Zekati është një ndër shtyllat e fesë hyjnore Islame.

Zekati është detyrim për personat në moshë madhore, mendërisht të shëndoshë, të lirë, të mos kenë borxhe dhe përveç përballimit të nevojave të tij dhe të familjes të zotërojë pasuri në vlerën e nisabit mbi të cilin të kalojë një vit pa e prekur.Nisabi: është një masë e caktuar nga feja për detyrimin e zekatit.

Kjo masë është 85 gr ar, 595 gr argjend ose pasuri, mallra tregtie, para në vlerën e tyre. Duke ju referuar floririt (85) gram  ne caktimin e nisabit personi i cili gjatë një viti ka minimalisht dhe jashtë nevojave jetike të depozituara për një vit hënor 400.000 lek e ka obligim dhënien e zekatit në masën 2.5 %ose 1/40 të pasurisë së depozituar.