Uthulla e mollës nuk shërben vetëm për vlerat e saj në kuzhinë. Falë elementëve të saj të acidit acetic ajo mund të jetë e domosdoshme edhe për bukurinë tuaj.
Uthulla e mollës ka një ndikim të mirë në shëndetin e bukurisë sonë për flokët, lëkurën, zbardhjen e dhëmbëve, eleminimin e variçeve dhe njollave kafe në lëkurën tonë. Përveç këtyre ajo falë elementëve të saj ndihmon edhe në tretjen e ushqimeve.

Përdorimi i uthullës së mollës në fushën e kozmetikës, është e njohur prej kohësh. Për sa i përket kujdesit të lëkurës dhe të flokëve është me të vërtet shumë e shëndetshme.

Shpëlarja e flokëve me këtë produkt është e këshillueshme, pasi ai ka një efekt shkëlqyes. Por uthulla e mollës nuk i fal vetëm shkëlqim flokëve, por mban në mënyrë të shëndetshme edhe skalpin e kokës.

E aplikuar në kokë ndihmon në rregullimin e PH te lëkurës dhe favorizon rritjen e flokëve, duke mbajtur të shëndetshme rrënjën e flokë, gjithashtu kufizon dhe shfaqjen e zbokthit.

Për sa i përket lëkurës së trupit, do të bëhet shumë e butë dhe e mëndafshtë nëse kur bëni dush do t’i shtoni një gotë uthull molle.

Shpëlarja e flokëve
Në mënyrë që të të kemi flokë të shëndetshëm ne duhet t`i shpëlajmë flokët me këtë produkt.
Acidi acetik i uthullës së mollës heq mbetjet dhe forcon flokët. Ajo eliminon bakteret, heq zbokthin nga lëkura e kokës dhe u jep shkëlqim flokëve.
Tonifikon lëkurën
Njomeni në uthull pak pambuk dhe lyeni me të pjesën “T” të fytyrës (hundën, ballin). Ajo parandalon skuqjen dhe aknet e padëshirueshme.
Edhe këmbët mund të kujdesen me uthull
Hidhni uthull molle në ujin e banjës së këmbeve për të qetësuar fryrjet e këmbeve në fund të ditës dhe për të eliminuar bakteret që shkaktojnë erën e pakëndshme të këmbëve.

Uthulla shërben edhe për zbardhjen e dhëmbëve
Shpëlani gojën me uthull molle në mëngjes dhe në mbrëmje për heqjen e njollave, zbardhjen e dhëmbëve dhe për eliminimin e baktereve që shkaktojnë erën e pakëndshme të gojës.

Variçet mund të eleminohen me uthullën
Uthulla e mollës stimulon qarkullimin e gjakut dhe pengon fryrjen, duke i bërë enët e gjakut të duken më pak.

Ul njollat bojë kafe
Uthulla e mollës përmban sulfite që luftojnë efektet e moshës, duke i bërë të duken më pak njollat boje kafe, kësisoj duke e bërë lëkurën më të bukur.

Hidhni uthull molle në ujin e vaskës dhe lëreni ta çlirojë trupin tuaj nga toksinat. Ajo ju hidraton dhe tonifikon.