Qendra e Bioteknologjisë dhe Gjenomës në Izmir ka përveshur krahët për prodhimin e ilaçeve kombëtare.

Në Qendrën e Bioteknologjisë dhe Gjenomës në Izmir, e cila është qendra më e rëndësishme gjenetike në botë ndërmjet kryeqytetit francez, Paris, dhe Indisë, do të nxirret harta gjenetike e njerëzve që jetojnë në Turqi dhe do të prodhohen ilaçe të posaçme për kurimin e sëmundjeve gjenetike dhe gjenit turk.

Ilaçet do të prodhohen nga një ekip shkencor prej 500 vetë dhe synimi është që prodhimi të orientohet edhe nga eksporti.

Turqia ndodhet në një hapësirë gjeografike, që është e ndikuar nga gjene të ndryshëm ndërmjet Azisë-Evropës dhe Afrikës. Si rrjedhojë pritet që ilaçi që do të prodhojë ajo për gjenin e vet të jetë një ilaç kurues me ndikim për sëmundjet gjenetike në Lindjen e Mesme, Kaukaz, Azinë Qendrore, Afrikën e Veriut dhe Ballkan.

Objektivi është që në rast se prodhon një ilaç specifik, atëherë Turqia mund të shndërrohet në një qendër rajonale në prodhimin e ilaçeve bioteknologjike.

Turqia harxhon çdo vit 15 miliardë dollarë për 8 mijë lloje ilaçesh që importon dhe 5 miliardë dollarë për ilaçet bioteknologjike.

Gjithashtu synohet që përmes kësaj qendre Turqia ti japë fund varësisë së jashtme në ilaçe dhe të bëhet një vend eksportues.

Përveç prodhimit të ilaçeve bioteknologjike në këtë qendër do të bëhen kërkime mbi qelizat staminale, Leukeminë e Mesdheut, Talaseminë, si dhe do të kurohen sëmundjet metabolike.

Përveç kësaj në këtë qendër do të prodhohen qeliza embrionale nga qelizat e gjakut dhe të lëkurës, do të bëhen transplante të mëlçisë, do të eliminohen çrregullimet gjenetike.

Në këtë qendër vazhdojnë punimet edhe për luftimin e qelizave kanceroze me imunoterapi.