Te mesosh i ben mire zemres. Kush ka kaluar te pakten tete vjet ne banka te shkolles, ka rrezikun me te vogel te infarktit.

Kjo mund te duket e cuditshme, por ne fakt eshte rezultati i nje studimi te gjere, i publikuar ne revisten “Heart”. Studimi ka vendosur perballe, ne 52 shtete, rreth 12 mije persona qe vuajne nga infarktet, dhe 14 mije njerez me shendet te plote.

Studime te ndryshme kane zbuluar nje lidhje mes statusit social-ekonomik dhe riskut me te vogel te semundjeve te zemres. Nje grup shkencetaresh suedeze ka zbuluar se pavaresisht nga te ardhurat familjare, nga puna apo te mirat qe kemi, arsimi eshte i lidhur direkt me rrezikun e nje infarkti ne zemer. Annika Rosengren, kardiologe ne spitalin e Goteborg thote se nje nivel studimi, i ngjashem apo me pak se 8 vjet shkolle, do te thote nje rrezik me i madh i infarktit, rreth 30 per qind me shume se sa ata qe jane me te arsimuar. Kjo lidhje eshte me e theksuar ne vendet e zhvilluara, por e dukshme dhe ne vendet ne zhvillim. Sipas studimit, normat me te larta te obezitetit, dhe veset si pirja e duhanit, aktiviteti i paket fizik, konsum i paket i frutave dhe perimeve, shpjegojne rreth gjysmen e rrezikut te lidhur me nivelin e ulet te arsimimit.

“Per momentin, rezultatet sugjerojne qe permiresimi i nivelit te arsimimit ne vendet ne zhvillim mund te jete nje rruge e mire per te ndaluar disi përhapjen e shpejtë të sëmundjeve të zemrës edhe në keto vende”, vijon Rosengren.

Anisa Braho