Vetëm dy javë pas shfaqjes së deputeteve të partisë për Drejtësi dhe Zhvillim me shami në sallën e parlamentit turk, një ditë më parë u shfaq dhe spikerja e parë e lajmeve me shami në televizionin shtetëror TRT. Faize Xhiem Tahmaz, u shfaq para teleshikuesve me shami në kokë gjatë emisionit të lajmeve të orës pesë.

Spikerja në fjalë ka studiuar religjion dhe sociologji në universitetin e hapur të Anadollit. Studimet universitare ajo i filloi menjëherë pasi përfundoi shkollën e mesme në Imam Hatib në Stamboll.

Lidhur me reagimet e publikut ndaj këtij akti, ajo thotë:”Për fat të keq, puçet ushtarake kanë shkaktuar një fanatizëm të thellë mes njerëzve për shkak të besimeve të tyre. Tashmë, është koha për një stil të ri jetese.” \ardhmeriaonline\