Sot, miku im më i mirë më qëlloi në fytyrë – Interesante

Mjeksia Islame

ticket title: Centella Asiatica zbulimi me i bujshem i shkences ne kuadrin e trajtimeve alternative bimore dhe vetive te tyre antimoshe; Misvak pastë dhëmbësh aromatike; Lady’s mantle, që në përkthim ka kuptimin mantel i gruas; Ushqimi perfekt për mosbalancën e hormoneve, ankthin dhe mungesën e gjumit; Caji Jeshil – 8 Dobi Shendetesore Qe Duhet Ti Dini

Sot, miku im më i mirë më qëlloi në fytyrë – Interesante

Dy miq, po udhëtonin në shkretëtirë dhe gjatë një debati që shpërtheu papritur mes tyre, pa e zgjatur, njëri e qëlloi tjetrin me shuplakë në fytyrë.
Padyshim që kjo pëllëmbë ishte sa e rëndë aq edhe fyese për personin që u qëllua. Megjithatë, ai e përmbajti veten dhe nuk foli fare.

Ai mori një shkop dhe me të, shkroi mbi rërë:”Sot, miku im më i mirë më qëlloi në fytyrë.”
Dy miqtë vazhduan rrugën derisa mbërritën pranë një oaze, ku hynë për tu larë dhe për tu freskuar. Në një çast, shoku që ishte goditur me shuplakë më parë, bie në një gropë thithëse. Në çast, hidhet shoku i tij dhe e shpëton nga vdekja e sigurtë.

Pas kësaj, ai gdhendi mbi një shkëmb fjalët:”Sot, miku im më i mirë më shpëtoi jetën.”

Miku i cili e kishte goditur dhe sapo e shpëtoi, e pyeti i habitur:”Përse kur të qëllova e shkrove në rërë, kurse tani që të shpëtova e gdhende mbi shkëmb?!”

Miku i tij iu përgjigj:”Kur dikush na lëndon, duhet ta shkruajmë mbi rërë, me qëllim që erërat e tolerancës ta fshijnë sa më shpejt. Por kur dikush na bën një të mirë, duhet ta gdhendim mbi shkëmb, me qëllim që të mos fshihet dhe mos të harrohet kurrë.

(Visited 117 times, 1 visits today)