Më herët ishte thënë se modeli i ri i telefonit të Sony, Xperia Z1 do të lansohet më 24 shtator, mirëpo kjo datë ende nuk është konfirmuar zyrtarisht nga kompania. Megjithatë, në një kumtesë për media është thënë se telefoni më i ri i mençur i kompanisë do të debutojë në treg gjatë muajit shtator.

Sipas informacioneve të publikuara në komunikatë thuhet se Sony Xperia Z1 do ta ketë ekranin e ndjeshëm në prekje me 5 inç, me rezolucion prej 1920 x 1080 pikselëve, dhe procesorin me quad core 2.2Ghz Qualcomm Snapdragon 800 dhe 2GB RAM.

Karakteristikat tjera të Sony Xperia Z1 përfshijnë edhe 16GB memorie të brendshme, si dhe portin për microSD kartelë e cila mund të rritet në 64GB, plus baterinë me 3,000 mAh.