Nëse keni qenë pjesë e debatit të madh në lidhje me vajin, e dini gjithashtu se ka shumë opinione se cili është vaji më i shëndetshëm për të gatuar. Në Mesdhe, jo dhe aq pasi prodhimi është i lartë, por në vende të tjera diskutohet shumë. Por duhet të dini disa gjëra përpara se të nxitoni të blini vaj në dyqanin e lagjes suaj.

Vaj ulliri i papastër?

Nëse mendoni se dini diçka për vajin e pastër, gaboheni. Do të mbeteni të habitur sesi 70% e vajrave të ullirit që shiten në treg, në fakt nuk janë të pastër, përfshirë vajra me etiketën “ekstra i virgjër”! Prandaj shumica e vajrave të ullirit që shiten janë të përziera me vaj kanola ose kolza, ose janë të përziera me një version më të thjeshtë të vajit të ullirit dhe pastaj ngjyroset kimikisht dhe i shtohet aromë.

Si të dalloni ndryshimin?

E para është prova e shijes

Ka disa prova që mund t’i bëni në shtëpi dhe njëra prej tyre është prova e shijes. Problemi është se vaji i papastër i ullirit ka shumë kohë që shitet në treg, aq sa edhe ekspertët e ushqimit nuk mund të tregojnë diferencën.

Një eksperiment është bërë me disa ekspertë të ndryshme ushqimorë. Ata shijuan një gamë të gjerë të vajrave të ullirit, nga ato të cilësisë më të ulët, deri tek ato Premium. Përfundimi ishte i habitshëm. Shumica miratoi vajin më të lirë, atë më të papastër, duke menduar se vaji i pastër ishte i rremë. Nëse ekspertët e vajit të ullirit nuk mund ta përdorin provën e shijes si një mjet të besueshëm për gjetjen e vaj të pastër të ullirit, atëherë askush nuk mund ta bëjë.

Prova e frigoriferit

Një tjetër sugjerim që japin disa njerëz është që vaji i ullirit të vendoset në frigorifer. Kjo, për shkak se yndyrnat monounsaturated bëhen të turbullta në temperatura të ftohta, madje edhe të ngurta, pas një kohë të gjatë në frigorifer. Kështu që nëse vaji juaj është i njëlloj edhe pasi ka qëndruar 2 orë në frigorifer, atëherë është i rremë!

Por problemi është se vajrat e ullirit që janë përzier me vaj të papastër ulliri, do të vazhdojë të shfaqet e turbullt pasi të ketë qëndruar 2 orë në frigorifer. Pa përmendur fakti që disa kompani përziejnë vaj kanola aq sa për të kaluar provën e frigoriferit. Pra, mos u gënjeni nga kjo provë.

Prova e dëshmisë së rreme

Por, problemi kryesor me këto prova në shtëpi është se duhet t’i blini e pastaj të bëni provën. Pra, cila është mënyra e vetme për të kuptuar nëse vaji juaj i ullirit është i pastër? Ta blini atë në një vend të sigurt. Ju mund të blini vaj 100% të pastër, pa përzierje shtesë, të një person i njohur.

Këshilla të vyera kur të blini vaj ulliri

Nëse nuk keni dikë të njohur dhe të besuar që prodhon vaj ulliri, atëherë ndiqni këto këshilla kur të shkoni në dyqan për të blerë vaj ulliri:

Shishet e errëta e mbrojnë vajin nga oksidimi. Kështu që shmangni shishet transparente, sidomos ato plastike!
Kërkoni në shishe të gjeni vulën e miratimit nga Këshilli Ndërkombëtar i Vajit të Ullirit!
Shmangni plotësisht vajin me ngjyrë të çelët!
Mundohuni të gjeni datën e korrjes në shishe pasi shumica e vajra të rreme nuk e përfshijnë këtë!
Blini vetëm vaj ulliri të presuar. Llojet e tjera të vajrave janë të trajtuara me kimikate dhe ngrohje!
Në qoftë se vaji është më i lirë se njëmijë lekë litri, ka gjasa të jetë i përzier me vaj vegjetal!/dritare.net/