Gratë lehona që kanë lindur fëmijët e tyre në dimër janë tepër delikate. Gjatë kësaj periudhe vihet re një shtim oreksi tek to.

Por, cilat janë ushqimet e përshtatme për shëndetin e gruas lehonë dhe për shëndetin e foshnjës, që ushqehet me qumësht gjiri.

Pas lindjes së bebes, ditën e parë duhet të konsumoje më shumë lëngje, me qëllim që të treten më lehtësisht. Në ditën e dytë, mund të konsumoni disa ushqime të lehta. Oriz, supë, makarona etj, janë shumë të përshtatshme në javën e parë pas lindjes së foshnjës. Nuk është e përshtatshme që të konsumohen ushqime me tepër yndyrë dhe mish.

Pas 1 jave, stomaku i nënave të reja i rikthehet normalitetit. Ato mund të konsumojnë hap pas hapi peshk, mish etj, por jo ta teprojnë. Brenda muajit të parë pas lindjes, lehona duhet të konsumojnë 5-6 herë në ditë. Pra duhet të hanë shpesh nga pak.

Ushqimi i gruas lehonë duhet të jetë i larmishëm, ku të mos mungojnë perimet, mishi, frutat dhe drithërat e ndryshme, për të plotësuar kërkesat e trupit për vitamina dhe minerale.

Në dimër, lehona duhet të konsumojë më shumë nga ushqimet e mëposhtme:

1. Ushqimet që furnizojnë energjinë si mish pule, mish viçi, kërpudha të zeza, papaja etj.  Konsumi i ushqimeve me energji nxit qarkullimin e gjakut, shmang dëmtimin e muskujve dhe të kockave. Në dimër, lehona duhet të shmangnë ushqimet e ftohta dhe pijet e ftohta.

2. Furnizimi me shumë vitamina

Lehona duhet të konsumojë më shumë ushqime që kanë vitamina A, B3, B2 dhe E. Vitamina A shërben për nxitjen e metabolizimit të trupit dhe forcon aftësinë e rezistencës kundër të ftohtit. Vitamina B2 është tepër e nevojshme për balancimin e sasisë së oksigjenit të harxhuar. Vitamina E zgjeron enët e gjalut dhe nxit qarkullimin e gjakut tek të gjitha gjymtyrët.

Për shembull, kikirikët, susami etj., janë të pasura me vitaminë E dhe elemente të tjerë ushqyes, duke ndihmuar në përthithjen e vitaminës B dhe forcimin e nervave dhe trurit si dhe mbrojnë nga i ftohti.

3. Ushqimet si arra, gështenja, karota etj.

Karotat rrisin fuqinë fizike dhe forcojnë imunitetin, aktivizojnë funksionet e organeve të brendshme dhe qarkullimin e gjakut.

Arrat kanë acidin yndyror omega-3 dhe vitaminën E. Ato mund të forcojnë aktivitetin e qelizës, ruajnë shëndetin e zemrës dhe të trurit dhe shtojnë oreksin. Gështenja nxitë funksionet e stomakut e shpretkës dhe nxit qarkullimin e gjakut.

4. Konsumi i ushqimeve të pasura me hekur

Tek gratë lehona ka një mungesë të mineralit të hekurit pas lindjes së bebes. Mungesa e hekurit shkakton oksidimin e paplotë të ushqimeve dhe sjell këputje dhe lodhje. Prandaj, lehonat në dimër duhet të konsumojnë më shumë mish peshku, mëlçi, të verdhë veze, fasule, spinaq etj. Përveç kësaj, mund të konsumojnë më shumë perime dhe frutat e freskëta që kanë vitaminë C, për të nxitur thithjen e hekurit nga trupi.

5. Konsumi i më shumë ushqimeve që sjellin ngrohtësinë stomakut në dimër, si peshk, mish qengji etj. Duhet t’i gatuani gjellë me vlea të larta ushqyese.