Pas aferës “blerja e adresave”, shqiptarët nga Kosova kanë filluar të blejnë masovisht banesa dhe prona në brendësi të Serbisë që në bazë të vendbanimit të marrin pasaportën serbe dhe në këtë mënyrë të udhëtojnë pa viza nëpër shtetet Shengen, shkruan gazeta serbe “Alo”, transmeton presheva.com.

Pronat blehen nëpërmjet ndërmjetsuesve serb, dhe vetëm se në qytetin e Nishit në këtë mënyrë pronarë shqiptar janë të disa qindra banesave.

“Shqiptarët serbvve, më së shumti të zhvendosur nga Prishtina dhe rrethina i kanë dhënë të hollat për të blerë banesa dhe ta regjistrojnë në emër të tyre. Pastaj, me një marrëveshje interne me të cilën një shqiptar i jep borxh një serbi me vlerë të një banese, dhe nëse ai nuk ia arrin tia kthej borxhin në afat të caktuar, tia jap banesën në vlerë të të hollave. Për këtë ndërmjetësim, serbët kanë marrë mijëra euro” shkruan Alo, transmeton presheva.com.

Siç shkruan gazeta, ndërrimi i vendbanimeve në Serbinë qendrore është bërë opsesion pas liberalizimit të vizave për Serbinë, e cila nuk vazhdon për banorët që jetojnë në Kosovë edhe pse kanë pasaporta biometrike. Kështu që shqiptarët, nën këshilla të avokatëve, kanë filluar të blejnë banesa nëpër qytete të mëdha, nëpër Vojvodinë dhe vendet tjera, që në bazë të pronësisë mund të paraqesin vendbanimin, çka është e obliguar për tu pajisur me dokumente serbe, e në radhë të parë pasaportën.

Mirëpo, kohën e fundit, blerja e banesave nëpër vende pak më të mëdha ka rënë në dukje, tani kosovarët iu kanë drejtuar blerjeve të pronave nëpër Kurshumli, ku çmimet janë shumë të lira, ku me 5000-6000 euro mund të blehen komplet një pronë.

“Paraqitja masive ka filluar para tre viteve kur edhe filloi liberalizimi i vizave për qytetarët tanë. Nëpërmjet njerëzve këtu në Serbi shqiptarët kanë paraqitur adresën kinse jetojnë në Serbi, duke dhënë të holla të shumta” thonë burime të policisë për gazetën, ku jo zyrtarisht thuhet se kanë paguar 3000 deri 4000 euro pronarëve që ti regjistrojnë si banorë të Serbisë në adresë të vet.

Policia më vonë, kishte filluar kontrollimin nëpër adresat e shkruara ku formalisht ishin paraqitur shqiptarët, dhe sikur edhe që ishte pritur, asnjëri nga të regjistruarit nuk është gjetur në ato adresa banimi andaj edhe fletparaqitjet janë anuluar, thonë burime të policisë, duke pohuar se shumica e tyre tashmë vetëm se ishin pajisur me pasaportë, edhe atë jo vetëm në Kragujevc, po edhe në Nish, Beograd e qytete tjera. 
Pasi policia kishte parandaluar këtë mënyrë të “blerjeve të adresave të banimit”, kosovarët kanë kaluar në blerje të pronave. /presheva/