Propozimi i Rusisë për të vendosur armët kimike të Sirisë nën kontroll ndërkombëtar ka përhapur diskutime të menjëhershme rreth rezolutës në Kombet e Bashkuara. Rusia ka deklaruar se çdo draft që fajëson Sirinë është i papranueshëm. Siria është shprehur se e pranon proposimin e Rusisë për ti vendosur armët kimike nën kontroll ndërkombëtar.

Ndërkohë, presidenti i Rusisë, Vladimir Putin, është shprehur se dorëzimi i armëve kimike të Sirisë do të ndodhë nëse Shtetet e Bashkuara të Amerikës dhe aleatët e saj heqin dorë nga ndërhyrja ushtarake në Siri.

Pak më parë, Britania, Franca dhe Shtetet e Bashkuara të Amerikës janë shprehur se do t’i paraqesin Këshillit të Sigurimit të Kombeve të Bashkuara një rezolutë rreth armëve kimike në Siri. Sipas SHBA-së, forcat e qeverisë siriane sulmuan me armë kimike më 21 gusht në Damaskë duke lënë të vrarë 1429 persona.