Shkollat shqipe në Luginën e Preshevës kanë protestuar duke kërkuar libra shqip. Pas konfiskimit të pesë mijë librave shqip nga policia e Serbisë, të cilat kishin ardhur si donacion nga Kosova, nxënësit kërkuan kthimin e tyre.
Policia serbe ka njoftuar se kur të plotësohen kushtet ligjore librat do të kthehen. Por, deri atëherë mësimi sipas zyrtarëve nëpër shkolla vijohet pa tekste mësimore.
Serbia nuk pranon për pakicën shqiptare libra në shqip nga Kosova, kurse të tjerat duhet të vlerësohen në bazë të përmbajtjes së tyre. /presheva/