Ashtu siç është raportuar 16 muaj më parë, sot Google i ka hequr spinën shërbimit iGoogle dhe e ka varrosur atë pa një funeral. Portali i uebit që lejonte përdoruesit të rregullonin një faqe unike për Uebin me RSS feeds dhe mjete të tjera, është mbyllur përgjithmonë pas tetë viteve në shërbim. Google nuk ka bërë asnjë njoftim zyrtar, duke lënë përdoruesit e iGoogle të vajtojnë në kushtet e tyre.

URL-ja e iGoogle, google.com / ig tani të përcjell tek google.com, faqja kryesore e kërkimit të Google. iGoogle funksiononte si një faqe kërkimi, plus çdo gjë tjetër. Përdoruesit mund të ngarkonin emailet e preferuara, blogjet, mjetet e motit, lojën Snakey, ose pothuajse çdo gjë tjetër të miratuar nga Google në një faqe të vetme dhe e përdornin atë si një pistë për të eksploruar internetin.

I prezantuar në maj 2005, iGoogle arriti në 7.1 milionë përdoruesit deri në vitin 2007.Në fund të atij viti, shërbimi ishte në dispozicion në 42 gjuhë në më shumë se 70 domene. Në fillim të vitit 2008, iGoogle përfaqësonte 20% të trafikut të Google. Në vitin 2012 kompania u fokusua Google+, i cili eliminoi nevojën themelore për një portal uebi si iGoogle. /BalkanWeb/