Një studim i shkencëtarëve francezë ka treguar se një enzimë e pranishme në pjepër mund të ndihmojë dukshem në luftën kundër stresit.

“Nutrition Journal” shkruan se bëhet fjalë për enzimën superoksid-dismutaza, e njohur për efektin antioksidues mbrojtës ndaj indeve të organizmit.

Rezultatet nga studimi kanë treguar se participantët të cilët kishin marrë kapsula me këtë enzimë, kishin shumë më pak simptoma të stresit dhe të lodhjes, në krahasim me ata të cilët kishin marrë placebo (kapsula të rrejshme).

Marrja e kësaj enzime kishte qenë e lidhur edhe me përqendrimin shumë më të mirë, zvogëlimin e irritabilitetit dhe përmirësimin e kualitetit të gjumit./PK/.