Duhet të dini se pjepri i bën mirë trupit, pasi përbëhet në masën 90% nga uji, element shumë i rëndësishëm për të luftuar dehidratimin gjatë verës.

Është i pasur me kalcium, hekur, fosfor dhe mbi të gjitha vitamina A dhe C. Të gjithë ata që kanë probleme me dietën dhe ngurojnë të konsumojnë shumë sasi sheqeri, pjeprin duhet ta shtojnë tek lista e tyre, pasi cilësohet si një frut dietik.

Një fetë pjepri rreth 100 gramë, përmban vetëm 33 Kcal dhe 90.1 gramë është ujë, 7.4 gramë karbohidrate, 0.2 gramë yndyrë, 0.8 gramë proteina. Për të gjithë ata persona të cilët vuajnë nga problemet në veshka, duhet të shtojnë dozën e ngrënies së pjeprit.

Falë përqendrimit të madh të ujit, ky frut ndihmon personat që vuajnë nga problemet në veshka. Efektet pozitive janë të shumta në numër, e ndërsa nuk mungon edhe që ky frut i bën mirë trurit.

Pjepri përmban vitaminë B2, e cila e mban trurin të ri, si dhe e relaksion nga stresi. Pjepri përmirëson edhe gjumin. Lufton osteoporozën në sajë të vitaminës B6, e cila përmirëson shikimin dhe ndihmon dhëmbët dhe kockat.

Kemi dëgjuar shpesh se po të konsumojmë karrota, ka efekte për tu nxirë, por edhe pjepri favorizon nxirjen. Pjepri është i pasur me betakarotenë dhe favorizon nxirjen e trupit. Ky frut parandalon edhe infarktin.

Ai mban të shëndetshëm sistemin kardiovaskular, falë adenosinës, një substancë e cila e mban në gjendje të mirë gjakun. Pjepri lufton edhe kolesterolin, si dhe mban në nivele të ulëta trigliceridet