Piperi i egër,aloja,xhenxhefili dhe mendra,në vend të ilaçeve

Bimët mjekuese e largojnë dhimbjen

Në vend që tek çdo dhimbje, edhe tek ajo më e vogla, të pini tableta, mundohuni që shpëtimin ta gjeni në natyrë. Me mendër zbuteni dhimbjen në stomak, kundër vjelljes luftoni me xhenxhefil, ndërsa kundër ndezjeve përdorni ananas, sepse në të ka bromelin, një përbërje e cila qetëson proceset e ndezjes. Ilaçet kundër dhembjeve sot janë bërë ilaçet që përdoren më së shumti, dhe atë në tërë botën. Mjekët, tashmë disa vite, paralajmërojnë se përdorimi i këtyre ilaçeve, ul dhimbjet shumë shpejt, por, me përdorimin afatgjatë, mund të shkaktojë një varg problemesh shëndetësore, siç janë pagjumësia apo problemet me tretjen. Ne në këtë artikull, ju prezantojmë zgjidhje natyrale, të cilat mund të zbusin dhimbjet, pagjumësinë dhe simptomat e PMS-së.

Më i miri kundër PMS-së,piperi i egër

Fruta e këtij druri të gjatë, me ngjyrë të kaltër-rozë, rrit prodhimin e dopaminës, e cila ndihmon në rregullimin e prolaktinës. Niveli i rritur i prolaktinës mund të sjellë deri të të irrituarit , sulmit të dhimbjeve dhe ndjeshmëri në gjinjtë e femrave. Dy studime gjermane kanë vërtetuar ndikimin e dobishëm të piperit të egër. Doza e sugjeruar ditore është 250 deri 500 miligramë, të cilët duhet të përdoren gjatë një periudhe tremuajshe. Simptomat e PMS-së, do t’i zvogëlojnë edhe vitaminat E dhe B6.
Me vitaminë E janë të pasur vaji, posaçërisht i lulediellit, por edhe farërat, bademi, kikiriki dhe vezët. Vitamina E zvogëlon presionin në gjinj, derisa B6 pengon mbajtjen e ujit dhe forcon qarkullimin e gjakut.

Më e mira për dhimbjet në stomak-mendra

Ky ilaç i vjetër sugjerohet për dhimbjet në stomak, por edhe tek problemet me fryrje të stomakut, sepse relakson muskujt në sistemin për tretje, çka zvogëlon ngërçet dhe liron gazrat. Disa studime kanë treguar se mendra është vepruese njëjtë, sikurse edhe disa ilaçe të cilat përdoren tek ngërçet. Një anë negative e mendrës është ajo tek problemet e konstipacisë, sepse mund të vështirësojë gjërat dhe në këtë rast më mirë është të mos përdoret.

Më i miri për gjumë të mirë-agnushja

Kjo bimë ka veprim qetësues, ndërsa ndikon mirë edhe në gjumë. Studime të shumta kanë treguar se kjo bimë kthen gjumin normal pa kurrfarë pasojash negative dhe përveç kësaj nuk shkakton kurrfarë varësie. Merret mes 400 dhe 600 mg, përafërsisht 45 minuta para gjumit. Është e rëndësishme të mbahet në mend se nuk duhet përzier me qetësues, të cilët relaksojnë muskujt.

Më i miri kundër dhimbjeve–ananasi

Bromelinën e gjejmë në ananas dhe ndikon mjaft mirë ndaj dhimbjeve. Studiuesit mendojnë se bromalina përpunon proteinat në gjak dhe në këtë mënyrë zvogëlon ndezjet që shkaktojnë dhimbje. Për dallim nga preparatet në barnatore, të cilat si kundra-indikacione mund të kenë dhimbje në stomak dhe probleme me zemrën, bromalina është plotësisht e sigurt dhe nuk lë kurrfarë pasojash. Bromelina mbron nyjat nga radikalet e lira, zvogëlon ndezjet dhe njollat. Merrni mes 200 dhe 400 miligramë kur ndjeni dhimbje.

Më i miri kundër të vjellës- henxhefili

Kur keni ndjenjë për vjellje, xhenxhefili është mjaft i dobishëm. Ekspertët mendojnë se xhenxhefili bllokon sinjalet në tru, të cilët nxisin vjelljen dhe zbrazjen e përmbajtjes së lukthit dhe kështu ju çlirojnë nga ndjenja për vjellje.

Melatonina për natë të qetë

Trupi prodhon këtë hormon gjatë natës, ndërsa niveli i prodhimit bie nëse në hapësirë ekziston buri i dritës, posaçërisht ato që prodhon kompjuteri dhe ndriçimet flurosente. Trupi, me kalimin e viteve, gjithnjë e më pak prodhon melatonin, çka është njëra prej arsyeve pse njerëzit e moshuar shpesh flenë më pak. Melatonina është në antioksidues i rëndësishëm, i cili mbron strukturën e ADN-së dhe pengon kancerin. Testet tregojnë se edhe pak burim i energjisë që bie në lëkurë, menjëherë pengon prodhimin e megatoninës. Për këtë arsye, fikni televizorët, dritën dhe kompjuterët kur shkoni në gjumë. Melatonina sugjerohet tek njerëzit që shpesh udhëtojnë mes zonave kohore, posaçërisht drejt jugut, kur humbet ritmi normal i ndërrimit të gjumit dhe të zgjuarit. Në këtë rast, merrni tre miligramë para gjumit. Sipas disa studimeve, melatonina përmirëson jetën seksuale, zgjat jetën dhe ul shtypjen e gjakut.