Quinta-feira, 21/3/2019 | : : UTC+0
Mjeksia Islame
Mjeksia Islame

Për çdo ditë lexoni vetëm një fjalë, Sepse ajo është mbrojtje nga mjerimi dhe steriliteti



Për çdo ditë lexoni vetëm një fjalë, Sepse ajo është mbrojtje nga mjerimi dhe steriliteti

Për çdo ditë lexoni vetëm një fjalë, Sepse ajo është mbrojtje nga mjerimi dhe steriliteti.

Një njeri iu ankua Hasan Basriut për thatësi dhe vit jopjellor, kurse ai i tha: “BËJ SHUMË ISTIGFAR (dmth kërko shumë falje nga Allahu)!”

Një njeri tjetër iu ankua për varfëri, kurse ai i tha: “BËJ SHUMË ISTIGFAR!”

Një person i tretë kërkoi nga Hasan Basriu të bënte lutje që Allahu t’i jepte fëmijë, kurse Hasani i tha: “BËJ SHUMË ISTIGFAR dhe do të fitosh atë që po kërkon!”

Personi i katërt iu ankua se pemishtja e tij kishte pasur prodhim të dobët, edhe këtij Hasan Basriu i tha: “BËJ SHUMË ISTIGFAR!”





Të gjitha këto i dëgjoi shoku i tij Rebia bin Sabih, andaj i tha Hasan Basriut:
“Këta njerëz u ankuan për sprova dhe vuajtje të ndryshme, kurse ti të gjithëve ua rekomandove istigfarin. Pse e bëre këtë?”
Hasan Basriu u përgjigj: “Unë nuk thashë asgjë nga vetja ime. Allahu i Plotfuqishëm, në suren Nuh ka shpallur:
“Dhe ju thashë: Kërkoni falje nga Zoti i juaj, sepse, me të vërtetë, Ai është falës, i madh; – Ai do t’ju dërgojë juve shi të bollshëm, – dhe do t’ju ndihmojë me pasuri dhe me fëmijë, dhe për ju do të krijojë kopshte dhe për ju do të krijojë lumenj.” (Nuh, 10-12)

Atëherë njeriu i tha Hasan Basriut:
“Pse nuk kemi turp nga Allahu? Bëjmë mëkate, pastaj kërkojmë falje, dhe përsëri bëjmë mëkate dhe kërkojmë falje, e kështu me radhë.”
Hasan Basriu u përgjigj: “Shejtani shumë do të dëshironte që t’ju mposht kjo ndjenja e turpit, në mënyrë që të hiqni dorë nga istigfari. Por, kurrë dhe në asnjë mënyrë mos e lini istigfarin (sado shumë mëkate që të keni bërë).”

Saff; Abdusamed Nasuf Bushatliq; Përshtati: Miftar Ajdini

(Visited 9 times, 1 visits today)