Prof. Dr. Taha Ibrahim Halifa, profesor i biologjisë dhe ish-dekan në Universitetin e El-Az’harit, zbuloi se një shkencëtar i madh japonez në fushën e bujqësisë u konvertua në Islam pasi zbuloi mrekulli të mëdha shkencore në Kur’an.

Gjegjësisht, hulumtimi i tij trajtoi çështjen fikut dhe ullirit.

Taha Ibrahim thotë: “Substancën methaleutonids e sekreton truri i njeriut dhe i kafshëve në sasi shumë të vogla.

Ajo është e përbërë nga proteina, e cila në vete ka gjithashtu dhe sulfate që mund shumë lehtë të lidhen me zinkun, hekurin dhe fosforin.

Kjo materie konsiderohet të jetë shumë e rëndësishme për mbijetesën e trupit të njeriut, veçanërisht ngase ajo redukton kolesterolin, rregullon metabolizmin, forcon zemrën dhe rregullon frymëmarrjen.

Profesori gjithashtu thotë: “Sekretimi i këtyre substancave nga truri i njeriut fillon gradualisht nga viti 15 deri në të 35-at, dhe pastaj zvogëlohet deri në vitet e gjashtëdhjeta të jetës.

Për këtë nuk mund të fitohet lehtë kjo substancë, e cila gjithashtu në përqindje të vogël mund të gjendet edhe tek kafshët.”

Ai thotë: “Kur hulumtimi është përqendruar në gjetjen e kësaj substance magjike midis florës, dhe grupi i shkencëtarëve japonezë u dha në hetimin e kësaj substance, e cila ka ndikim në largimin e simptomave te dobësimit senil (të pleqërisë).

Më në fund këtë substancë e gjetën vetëm në dy llojet e bimëve, dhe ato janë: Fiku dhe Ulliri.”

Dr. Taha Ibrahim u bëri thirrje për të reflektuar mbi betimin e Allahut për fikun dhe ullirin dhe lidhshmërinë e këtij betimi me krijimin e njeriut në formën më të bukur, dhe mandej kthimin e tij në nivelet më të ulëta.

Ai thotë: “Pas ndarjes së kësaj substance nga fiku dhe ulliri, erdhën në përfundimin se përdorimi i tij ndikon në përmirësimin e shëndetit të njeriut; ndërsa vetëm nga fiku, apo vetëm nga ulliri nuk ka dhënë rezultatin e pritur, dhe mandej atë substancë e përzien në raport 1:7 për ullirin.

“Pas kësaj, ky grup i studiuesve japonezë u përpoqën për të gjetur lidhjen më të mirë të këtyre dy bimëve në mënyrë që të ketë efektin më të mirë.”

Dr. Taha tha: “Ky studiues japonez hulumtoi Kuranin Fisnik dhe vërejti se fiku përmendet një herë, ndërsa ulliri gjashtë herë, dhe një herë në mënyrë të tërthortë në ajetin 20 të kaptinës el-Mu’minun:

“Si dhe pemën (d.m.th. pemën e ullirit) që rritet në malin e Sinait e që u jep vaj dhe mëlmesë, atyre që e hanë.”

Dr. Taha Ibrahim ua dërgoi të gjitha informatat që kishte mbledhur nga Kur’anin Fisnik këtij grupi të shkencëtarëve japonezë.

Pasi u siguruan se në Kur’an para 1429 vitesh është përmendur e gjitha ajo që ata kishin zbuluar, udhëheqësi i ekipit hulumtues pranoi Islamin, ndërsa dr. Prof. Taha Ibrahimit i dhuruan licencën e zbulimit shkencor.

Të Vërtetën e ka thënë Allahu i Madhërishëm në Kur’anin Fisnik:
Surja: 95. Tin
Me emrin e All-llahut, Mëshiruesit, Mëshirëbërësit!
95:1. Pasha fikun dhe ullirin!
95:2. Dhe (kodrën) Turi Sina-en!
95:3. Dhe këtë qytet të sigurisë!
95:4. Vërtet, Ne e krijuam njerin në formën më të bukur.
95:5. Pastaj e zbritëm atë në më të ultin e të ultëve.
95:6. Përveç atyre që besuan dhe bënë vepra të mira; ata kanë shpërblim të pandërprerë.
95:7. E pas gjithë kësaj, ç’të shtyri të përgënjeshtrosh ditën e shpërblimit (përgjegjësisë)?
95:8. A nuk është All-llahu më i urti i gjykuesve?

Përktheu: Lutfi Muaremi