Vlera kurative të mjaltit janë të shumta si në rastet e sëmundjeve të zemrës, veshkave, stomakut dhe zorrëve, ndërsa mollët që nga kohët e lashta janë shumë të vlerësuara si mjet i shkëlqyeshëm shërues.

Kombinimi i mjaltit dhe i mollëve bashkon dy faktorë të dobishëm – vlerat shëruese dhe ushqyese, pasi që përmbajnë sasi të bollshme të materieve shëruese.

Mollët dhe mjalti kanë veprim pozitiv për gjumë dhe tretje të mirë, çka është shumë e rëndësishme jo vetëm për të sëmurët, por edhe për personat e shëndoshë. Kjo përzierje përveç se është e shëndetshme gjithashtu të rikthen energjitë e humbura, e cila është e dobishme për forcimin e organizmit të sëmurë dhe të lodhur.