Mjekimi i mësyshit dhe hasedit:

Mjekimi i tyre mund të bëhet me mënyra të ndryshme si: larja me ujin e abdesit të atij që e ka marrë mësysh, me Kur’an, me lutje të lejuara, bimë mjeksore etj. Aishja (Allahu qoftë i kënaqur prej saj) ka thënë: “Urdhërohej për të marrë abdes ai që merrte mësysh dhe me atë ujë lahej ai i cili ishte marrë mësysh”. Kjo është mënyra më rezultative. Në pamundësi për të marrë ujin e abdesit mund të marrësh diçka prej rrobave të tij, që mbartin gjurmët e djersës (kapele, kanatjere etj) t’i zhytësh në ujë dhe pastaj të lahesh me atë ujë. Ose të marrësh mbetje nga pija e tij apo ndonjë bërthamë hurme ose ulliri p.sh. ta lashë dhe prej atij uji të pish dhe të lahesh. Të gjitha këto metoda janë provuar që në kohët e vjetra e deri më sot dhe kanë efekt të menjëhershëm.