MJALTI – SHËRUES UNIVERSAL!

Mjalti e pengon zhvillimin e baktereve, të cilat shkaktojnë shumë sëmundje. Shëron plagë, infeksione të fytit, kallje të ndryshme; përmirësimin e tensionit, rruazave të gjakut, problemet në organet e brendshme, bronkialeve, infeksioneve të zorrëve, të lukthit dhe shumë lloje tjera të sëmundjeve. Me mjaltë, po ashtu, shërohen edhe alergjitë nga poleni e helmi i bletës etj.

Mjalti – ushqim apo mjekësi popullore?

Politika e teknologjisë moderne, për interesa të industrisë farmaceutike, ka marr një vendim ligjor ku mjaltin e ka shpall si produkt ushqimor. Kjo është në kundërshtim me interesin e mjekësisë popullore, sepse me ligj, e kanë ndaluar që mjalti të shitet si produkt mjekësorë. Ky vendim juridik është për të mirën e industrisë farmaceutike dhe në dëm të njerëzimit. Mjalti dhe produktet tij, janë shumë më lirë për t’i blerë, më të lehtë, më efikas, më praktik dhe shumë të dobishme për shëndetin e njeriut. Mjalti dhe produktet e tij, janë tejet të natyrshme dhe tejet praktike për t’i ngrënë, por dhe për t’i përdorë me pije të dëshirueshme dhe për ta mjekuar vetveten në rast nevoje. Mjalti, poleni, propolisi, qumështi i amës, helmi i bletës dhe dylli, janë produkte të pa zëvendësueshme për njeriun. Produktet më të natyrshmet dhe më të sigurtat për shëndetin tonë. Mjalti dhe produktet e tij, përdoren për të mirë e njeriut dhe shëndetit të tij, shumë natyrshëm, kurse medikamentet farmaceutike kanë përbërje kimike dhe, në çdo rast kur të përdoren, kanë edhe efekte anësore shumë të dëmshme. Mjalti shëron plagë të jashtme dhe të brendshme në trupin e njeriut Plaga e lyer me mjaltë mbyllet shpejt. majti e thith ujin e tepërt nga plaga, i zhvillon qelizat dhe e pastron plagën nga bakteret e vdekura. Mjalti i shëron plagët shumë më shpejtë e më mirë se barnat farmaceutike.

Edhe plaga që është e hapur shumë vite, mund të shërohet me mjaltë me sukses. Mirë është të dihet, se mjalti i luleve është më i lehtë se mjalti i malit, që e ka edhe efektin e shërimit më të dobët. Terapinë shëruese me mjaltë ka mundësi ta trajtoj një mjek në ambulant, ose vet personat familjar që janë të interesuar ta kryejnë një veprim të shërimit natyrorë. Pse jo kur është një punë për t’u respektuar.

Çka është dylli i bletës ?

Dylli i bletës është një lëndë me ngjyrë të verdhë dhe aromë të këndshme, të cilën e prodhojnë bletët punëtore nga gjëndrat e dyllit që gjenden në pjesën e poshtme të barkut të tyre dhe që e përdorin për ndërtimin e hojeve.

Përbërësit e dyllit të bletës:Përzierje esteresh, ceroline, hidrokarbone dhe ngjyrash. Përmban gjithashtu rreth 5% polen dhe propolis, si dhe lëndë aromatike të cilat i japin dyllit ngjyrën e veçantë dhe aromën e këndshme.Vetitë mjekuese dhe shkaqet e përdorimit:

1. Anti infeksion (lufton infeksionin kronik të zgavrave të hundës – sinusitin, infeksionin e fytit, kraharorit, kordave(telave) të zërit –tejzave, nulleve -mishit të dhëmbëve dhe të sistemit tretës.
2. Zbutës dhe lehtësues, prandaj është i dobishëm për rastet e kapsllëkut dhe të çrregullimeve në sistemin tretës.
3. Në kozmetikë: përdoret për prodhimin e kremrave, buzëkuqëve, maskave, sapunëve dhe heqësve të qimeve.
Rëndësia e vërtetë e dyllit të bletës qëndron në faktin se ai përmban shumë lëndë të tjera.

Këshilla që duhen pasur parasysh para përdorimit të dyllit të bletës:
Dylli i bletës përmban një sasi propolis dhe poleni, prandaj ata njerëz që kanë alergji nga këto lëndë duhet të mos e përdorin atë në sasi që i dëmton.

Doza dhe mënyra e përdorimit:

Duke marrë një lugë dyll blete bashkë me mjalt dhe ta përtypësh nëpër gojë së paku për 10 minuta, dhe më e preferuar është që të gelltitet pak nga pak.

Ruajtja dhe rezervimi:

Dylli i bletës ruhet në temperaturën e dhomës dhe larg dritës