Dy persona kanë tentuar të vetëdigjen para Ministrisë së Punës dhe Mirëqenies Sociale në Prishtinë, për shkak se pretendojnë që u është bërë e padrejtë kur u pranuan në punë në bazë të një marrëveshje për punësim, mes kësaj ministrie dhe KEK-ut.

Ata pretendojnë se kanë përfituar nga një marrëveshje mes Ministrisë së Punës dhe Mirëqenies Sociale dhe KEK-u, në bazë të së cilës u punësuan në KEK 120 persona, transmeton KTV.

Por, ata thonë se kur kanë shkuar të nënshkruajnë kontratën për punësim, para katër muajsh, atyre nuk u është mundësuar kjo. Thonë se në vend të tyre janë pranuar persona të tjerë, që kanë dhënë ryshfet.