Sunday, 20/1/2019 | : : UTC+0
Mjeksia Islame
Mjeksia Islame
Tirana
0C

Kamomili dhe kujdesi për lëkurën e foshnjës suaj



Kamomili dhe kujdesi për lëkurën e foshnjës suaj

KamomilRekomandohet që produktet të cilat dedikohen për mbrojtjen e lëkurës së foshnjës të jenë të bazuar në përbërësit natyralë. Këto produkte duhet të përmbushin tre kritere shumë të rëndësishme: të pastrojnë, të mbrojnë dhe të ushqejnë lëkurën.

Qumështi i butë për trupin e foshnjës duhet të ketë për qëllim ushqyerjen dhe pastrimin e lëkurës së ndjeshme të foshnjës. Ai duhet të përmbajë ekstrakt aktiv natyror të kamomilit dhe vaj të lulediellit. Ndërkohë nuk duhet të përmbajë vajra të parafinës, ngjyra artificiale ose ndonjë element tjetër të dëmshëm për lëkurën e foshnjës.

Kremrat për foshnje preferohet të kenë përbërës të tillë të cilët do ta ushqejnë, mbrojnë dhe do të ruajnë funksionet natyrale të lëkurës së foshnjës. Efekti i tyre duhet të jetë po ashtu që ta mbrojë lëkurën e foshnjës nga irritimi dhe skuqja. Për t’u arritur kjo duhet që kremi të përmbajë kamomil dhe dyllë blete.

Në rastet e lëkurës së ndjeshme dhe të thatë, duhet të përdorni kremra të cilët e stabilizojnë njomësinë e lëkurës dhe e parandalojnë tharjen e saj, sidomos gjatë motit me erë. Kremrat e këtilla duhet të përmbajnë vaj të bajames, vaj të jojobas dhe kamomil.

Kamomil duhet të përmbajë edhe shamponi për larjen e flokëve të fëmijës suaj, që veç tjerash duhet t’i ofrojë butësi dhe kënaqësi fëmijës suaj derisa e pastroni.

Shkuma me të cilën do ta lani foshnjën tuaj duhet të përmbajë vajra esenciale të mandarinës dhe të livandës me efekt lehtësues dhe relaksues. Një shampon i këtillë do të ishte i mirëseardhur për të gjithë familjen, ndërsa fëmijët me të duhet të lahen në mbrëmje.





Lëkura e bebit tuaj duhet të jetë e butë dhe elastike. Kjo mund të arrihet me anë të vajit, i cili ushqen dhe pastron lëkurën e ndjeshme të foshnjës. Ky vaj duhet të përmbajë ekstrakt të kalendulas (kumakut), ndërsa përkundrazi nuk duhet të përmbajë vajra të parafinës, ngjyra artificiale dhe prezervativë.

Si pergatitet vaji kamomil për lëkurën e femijëve.

Përgatitja:
Në një kavanoz qelqi hidhni lule kamomili, pastaj mbulojeni të gjithë sipërfaqjen me vaj ulliri, më pas shtoni 5 pika vaj limoni (mund të bëhet dhe pa vaj limoni në rast se nuk gjeni dot ) dhe 2 kopër ( përdoret në gatim dhe mund ta gjeni në cdo supermarket) .. pasi të keni futur të gjitha këto përbërës në kavanoz, mbylleni mirë kavanozin, dhe lëreni në errësirë për 1 muaj.. sa më gjatë aq më mirë ..

Përdorimi:
Aplikoni një sasi të vogël në barkun e fëmijës, nën këmbët dhe mbrapa kurrizit, ky vaj është përdorur për të bërë një masazh qetësues për të ndihmuar në promovimin e gjumit dhe për të qetësuar fëmijën në rastin e dhimbjeve të barkut..