Shefja e zyrës administrative në veri të Mitrovicës, Adriana Hoxhiq, e ka quajtur akt terrorist sulmin ndaj pjesëtarëve të EULEX-it që ka ndodhur sot në veri të Kosovës.

“Ky është një akt terrorist që ka për qëllim destabilizimin e veriut dhe dekurajimin e të gjithë atyre të cilët duan paqe dhe stabilitet në veri të Kosovës”, ka thënë Hoxhiq për Kosovapress.

Ajo ka kërkuar nga organet gjegjëse të sigurisë që të ndërmarrin të gjitha veprimet e duhura në mënyrë që autorët e këtij akti terrorist të dalin para drejtësisë. /Telegrafi/