Për xhinxherin apo xhenxhefilin kemi shkruar shpesh në Living. Asnjë studim, deri sot, nuk ka dalë për të përmbysur gjithë vlerat e tij të çmuara të cilat po i rendisim si më poshtë.

Duhet të përdorni sa më shumë xhinxher, në gatime apo si çaj (tani në verë, të ftohtë) sepse:

1. Është i pasur në vitamina A, B1, B2, C, magnez, hekur, kalçium, aminoacide.
2. Xhinxheri është një afrodiziak natyral.
3. Nëse e pini përditë rregulloni aparatin tretës dhe humbisni peshë.
4. Xhinxheri lehtëson dhembjen e kokës.
5. Xhinxheri shërben për të larguar celulitin. Mjafton që në gjysmë gote lëng xhinxheri të shtoni një lugë pluhur xhinxheri dhe kripë të trashë. Përziejeni mirë dhe masazhoni me të pjesët e trupit ku keni celulit.
6. Xhinxheri lufton aknet. Përzieni 1 lugë pluhur xhinxheri, një lugë mjaltë dhe 2 lugë qumësht. Lyeni me të gjithë fytyrën. Përveçse do të ushqejë lëkurën do të largojë aknet.

Si ta përdorni si çaj të ftohtë?
Në 250 ml ujë të nxehtë shtoni 30 gra xhinxher. Lëreni të pushojë për 30 minuta dhe pijeni përpara ushqimit. Mund të shtoni pak limon dhe mjaltë. Ruajeni në frigorifer dhe përdoreni sa herë ju duhet!/LIVING