Më pak se një javë pas prezantimit të telefonit të ri Galaxy S4, celulari inteligjent tashmë i është nënshtruar testimit rigoroz nga Geekbench 2.

Themeluesi i PrimateLabs John Poole ka realizuar testimet e ndryshme me Galaxy S4, duke përfshirë krahasime me konkurrentët – HTC One, LG Nexus 4, Galaxy  S3 (Exynos 4412), iPhone 5, BlackBerry Z10 dhe  Galaxy S3 (Snapdragon MSM8690), shkruan krokodili.com.

Telefoni Galaxy  S4, i cili do të jetë në dispozicion për konsumatorët në prill, shënoi 3,163 pikë në testin e shpejtësisë, dyfishin e pikëve që mori iPhone 5 dhe shumë më tepër se telefonat e tjerë.

Më mbresëlënëse është fakti se testi është kryer duke përdorur modelin më të ngadalshëm të Galaxy S4. /albeu./