Kryeministri turk Rexhep Tajip Erdoan ka thënë se nuk do të ketë normalizim të marëdhëniëve me Izraelin përderisa ai nuk e zbaton marrëveshjen që premtoi.

“Përderisa nuk ka zbatim të marrëveshjes, nuk do të ketë normalizim marrëdhëniesh midis Turqisë dhe Izraelit. Në qoftë se implementimi nuk arrihet, ne do të jemi shumë të hapur “tha Erdoan.

Të premten, kryeministri izraelit Benjamin Netanjahu kishte “kërkuar falje ndaj popullit turk për çdo gabim që mund të ketë çuar në humbjen e jetës ose plagosjen e shtetasve të Turqisë”.

Pas kërkim faljes, Rexhep Tajip Erdoan tha se Izraeli kishte përmbushur kërkesat e vëna nga Turqia, kërkesa të cilat parashikonin pagimin e kompensimit për familjarët e viktimave, dhe hapjen e bllokadës në Gaza.