Disa të dhëna formale mbi dallimin në mes të PSIKOLOGUT, PSIKOTERAPISTIT dhe PSIKIATRIT

Disa të dhëna formale mbi dallimin në mes të PSIKOLOGUT, PSIKOTERAPISTIT dhe PSIKIATRIT.

Kush është PSIKOLOGU ?
Psikolog është ai profesionist që ka plotesuar studimet në degen e psikologjisë.
Studimet vetëm në nivelin Bachelor ( 3 vite) të japin një titull i cili nuk te mundëson ende të kryesh sherbimet psikologjike ndaj personit.
Për këtë duhet domosdoshmërisht diploma e specializuar ( 2 vite Post – Bachelor) , diploma që parashikon jo vetëm formimim teorik por edhe atë praktik të studentit.
Psikologët gjatë 2 vjeçarit Post- Bachelor mund të specializohen në :
• Psikologji klinike;
• Psikologji shkollore;
• Psikologji zhvillimore ….etj
• Psikologu ofron sherbimin e tij në ndihmë të personit, një shërbim i tipit jo-farmakologjik qe konsiston në:
• PSIKODIAGNOZE;
• MBESHTETJE PSIKOLOGJIKE, KËSHILLIM.
*Psikologu i cili ka bërë vetëm ciklin 3+2 (sistemi i Bolonjes), NUK mund të ofrojë PSIKOTERAPI.
*Psikologu nuk ka të drejtë të jap mjekim me ilaçe.

Kush është PSIKOTERAPISTI ?
Titulli psikoterapist u jepet psikologëve dhe mjekëve pas një specializimi , të pakten 4 vjet, në psikoterapi.
Ky specializim afatgjatë parasheh ore teorike, praktike , supervizim, vetëzhvillim (self discovery).
Një psikoterapist psikodinamik i nënshtrohet një training personal( analize personale) të një kohezgjatje 3, 4 apo më shumë vite.
Aktiviteti i psikoterapistit shkon më thellë në krahasim me atë të psikologut dhe perfshin njohjen, dhe perdorimin e teknikave për trajtimin e problemeve të ndryshme psikologjike.
Ka shkolla të orientimeve të ndryshme psikoterapeutike që bazohen në modele te ndryshme teorike dhe praktike të personalitetit, mendjes, sjelljes e relacioneve që rrjedhimisht i kanë pershtatur teorive te tyre teknika të ndryshme me qëllim trajtimi.
Pavaresisht nga orientimi i tyre teorik, të gjithë psikoterapistët janë në gjendje të ofrojnë pacientve një proces trajtimi për të perballuar format e ndryshme të vuajtjes psikologjike , nga më e lehta deri tek më e rënda.
Sot gjithmone e më tepër po lindin shkolla te psikoterapisë të integruara, ku mësohet më shumë se një çasje teorik e pratik psikoterapeutike.
Formimi i psikoterapeuteve bëhet nga Institute dhe organizata të akredituara për Psikoterapi.
Në Kosovë, trajnimet dhe çertifikimet bëhen në kuadër të Shoqatës së Psikoterapeutve të Kosovës dhe organizatave si Europian Association for Psychotherapy (EAP) dhe World Association for Psychotherapy (WAP)
Psikoterapisti me profil psikolog nuk mund të japë mjekim me ilace, vetëm në rast se profili i tij është mjek!

PSIKIATRI
Psikiatri është mjek i specializuar në psikiatri, në çrregullimet e rënda mendore. Fokus i psikiatrit është diagnostifikimi dhe trajtimi farmakologjik ndaj pacientit.
Shpesh psikiatri e psikoterapisti bashkepunojne ne kuren e pacientit.
Psikiatri mund të japë edhe mjekim me ilaçe.

(Visited 18 times, 1 visits today)