Terça-feira, 23/7/2019 | : : UTC+0
Mjeksia Islame
Mjeksia Islame

Çfarë është dehidratimi?



Çfarë është dehidratimi?

Çfarë është dehidratimi?

Dehidratimi ndodh kur sasia e ujit që largohet nga trupi është më e madhe sesa sasia që futet në të. Trupi është shumë dinamik dhe në ndryshim të vazhdueshëm. Ne humbasim ujë automatikisht kur marrim frymë dhe uji largohet nga trupi ynë, djersijmë për të ftohur trupin dhe urinojmë apo nxjerrim mbeturinat ushqimore nga zorra e trashë. Në një ditë normale, një person duhet të pijë një sasi të konsiderueshme uji për ta zëvendësuar këtë humbje rutinore.

Shkaqe të dehidratimit:
Diarreja – është shkaku më i zakonshëm i humbjes së ujit të trupit. Përbëhet nga lëvizjet jashtëzakonish të shpeshta ose jashtëzakonisht të lëngshme të zorrëve dhe shkarkime tepër të ujshme të materialit fekal. Diarreja e vazhdueshme është edhe e pakëndshme, edhe e rrezikshme njëkohësisht, pasi një sasi e konsiderueshme e ujit mund të humbasë me çdo lëvizje të zorrëve. Në mbarë botën më shumë se katër milion fëmijë vdesin çdo vit për shkak të dehidratimit nga diarreja.

Të vjellat – janë një veprim i forcuar i zbrazjes së stomakut, ku stomakut i duhet të mposhtë forcat shtytëse që ekzistojnë për të mbajtur ushqimin dhe sekrecionet brenda stomakut. Stomaku, pothuajse e nxjerr jashtë gjithçka që ka brenda duke e shtyrë me forcë drejt pjesës së poshtme të ezofagut (tubi që lidh gojën me stomakun) gjatë një të vjelle. Të vjellat e vazhdueshme mund të jenë një shkak serioz për humbjen e lëngjeve dhe është e vështirë për një person ta zëvendësojë ujin, nëse nuk është në gjendje të tolerojnë lëngjet.

Djersitja – Trupi mund të humbasë shuma të konsiderueshme uji kur tenton të ulë temperature e vet përmes djersitjes. Trupi përdor një sasi të madhe uji në formën e djersës për të freskuar vetveten, qoftë kur trupi është i nxehtë për shkak të ambientit (për shembull kur punon në një ambient të nxehtë), të ushtruarit në një ambient të nxehtë, ose për shkak të një temperature të lartë për shkak të ndonjë infeksioni. Në varësi të kushteve të motit, një ecje e shpejtë do të prodhonte deri në një paund ujë.
Diabeti – tek njerëzit me diabet, nivelet e larta të sheqerit në gjak çojnë në shkarkim të sheqerit në urinë dhe pas kësaj bie niveli i ujit dhe shkaktohet dehidratim. Prandaj, urinimi i vazhdueshëm dhe etja e tepërt janë disa nga simptomat e diabetit.

Djegiet – Lëkura ka një rol të rëndësishëm në rregullimin e lëngjeve në trup dhe në rregullimin e temperatures së trupit. Nëse një pjesë e mirë e lëkurës dëmtohet, dëmtohet edhe aftësia e trupit për të ruajtur kontrollin. Viktimat e djegura dehidratohen, pasi uji rrjedh nga lëkura e dëmtuar. Humbjet e ujit shoqërohen edhe me sëmundje të tjera inflamatore.
Pamundësia për të pirë – Pamundësia për të pirë ujë mjaftueshëm është një shkak tjetër i dehidratimit. Grada e dehidratimit mund të shtohet për shkak të mungesës së ujit ose pamundësisë për të pirë sasi të mjaftueshme, shoqëruar kjo me humbje të vazhdueshme të ujit.





Cilat janë shenjat dhe simptomat e dehidratimit?
Reagimi fillestar i trupit ndaj dehidratimit është etja për të marrë më shumë ujë dhe për të urinuar më pak në mënyrë që trupi ta ruajë ujin. Urina bëhet më e përqendruar dhe me ngjyrë më të verdhë. Ndërkohë që niveli i humbjes së ujit rritet, shohim edhe simptoma të tjera si për shembull rritje të etjes, gojë të thatë, mosdalje lotësh apo djerse, ngërçe të muskujve, marrje mendsh dhe të vjella, rrahje të shpeshta të zemrës (sidomos kur qëndrohet në këmbë). Në rastet e dehidratimit të rëndë hasen edhe gjendje dobësie dhe konfuzioni, pasi truri dhe pjesë të tjera të trupit furnizohen me më pak gjak. Si përfundim, nëse dehidratimi nuk trajtohet, trupi mund të bjerë në koma dhe mund të këtë problem funksionimin e organeve të brendshme.

Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën

Резултат слика за Çfarë është dehidratimi?

(Visited 424 times, 1 visits today)




Top