Përbërësit e çajit të gjelbër mund të arrijnë deri në indet brenda syrit për të zvogëluar kështu rrezikun e sëmundjeve si glaukoma, shkruan revista shkencore Journal of Agricultural and Food Chemistry.

Testimet e fundit të zhvilluara në kafshë kanë treguar se konsumimi i çajit të gjelbër është i lidhur me ulje të stresit oksidues si dhe me gjasa më të pakta për dëmtim të qelizave, që shkaktohet nga ky proces.

Kyçe janë treguar përbërësit nga grupi i katekinave, të cilët mund të absorbohen edhe në pjesët si thjerrëza, rrjeta dhe pjesët tjera të syrit.

Autorët e studimit të zhvilluar në Universitetin e Hong Kongut, shtojnë se pas konsumimit të çajit të gjelbër, ulja e stresit oksidues ka zgjatur për më shumë se 20 orë.