Në një artikull tjetër të publikuar në “Wall Street Journal” thuhet se boronica ishte më e fuqishmja në efektin e kthimit të humbjes së kujtesës në një studim të kryer tek konsumuesit e moshuar, të cilët silleshin si të rinjtë kur ushqeheshin me disa lloje frutash. Sipas Institutit Amerikan për Hulumtime të Kancerit, thuhet se boronica është njëri nga burimet më të mira të antioksiduesve, substanca të cilat mund të ngadalësojnë procesin e plakjes dhe zvogëlojnë dëmin qelizor që mund të çojnë drejt kancerit.
Boronica është e pasur me vitaminën C, pastaj është burim i shkëlqyeshëm i sheqerit, proteinave dhe materieve minerale si kalium, natrium, mangan, krom, hekur, bakër.

Në mjekësinë popullore boronica përdoret për rregullimin e nivelit të sheqerit në gjak, si dhe në shërimin e infeksioneve urinare. Sipas ekspertëve, ajo që është me shumë rëndësi, boronica ndihmon edhe në përmirësimin e shikimit, duke e përmirësuar qarkullimin e gjakut nëpër vena, si dhe duke e përmirësuar gjendjen e kapilarëve.
– Përbërja:
Frutat e pjekura dhe të thara të boronicës( qershizave) janë të pasura me taninë, acid malik, citrik e benzoik, vitaminë A

– Vetitë:
Përdoret kundër heqjes së barkut, në infeksionet e zgavrës së gojës dhe të fytit, kundër majasëllit etj. Është provuar se boronica ka veprim të ngjashëm me vitaminën P dhe si pasojë janë të dobishëm në trajtimin e çrregullimeve të qarkullimit të gjakut, veçanërisht në hemorragjitë e retinës ( të tipit diabetik dhe hypertensiv) . Gjethet e boronicës janë përdorur në sëmundjen e sheqerit, në sëmundjet e kolitit dhe qelbëzimin e zorrëve etj.

– Përgatitja:
Në vartësi të moshës merren 5-10 gr boronica duke i përtypur.Përdoret edhe në formë çaji duke zhytur në një gotë me ujë një sasi frutash, të cilat pasi mufaten, zihen lehtë. Edhe gjethet janë përdorur në formë çaji.