Biotini është një vitaminë që tretet në ujë. Poashtu është i njohur si vitaminë-B (Vitaminë B7), vitaminë H, apo koenzim R, i cili në mënyrë natyrale gjendet në trupin tonë. Formohet natyrisht në zorrë dhe mund të gjendet në ushqime të ndryshme. Mungesa e biotinit mund të trajtohet me ushqim të përshtatshëm apo me suplemente.

Cili është funksioni i biotinit?

? Prodhimi i energjisë

Vitamini është shumë i rëndësishëm për flokë, shëndet të thonjve si dhe për lëkurë. Biotini ndihmon në rritje të shëndetshme dhe zhvillim, si dhe ndihmon në shërimin e shumë problemeve në trup. Gjithashtu ndihmon në shndërrimin e karbohidrateve dhe yndyrave në energji, si dhe është i nevojshëm për prodhimin e hormoneve. Për këtë arsye, ngërçet dhe dhimbjet e muskujve si rezultat i mosarritjes së trupit për ta përdorur sheqerin si burim të energjisë, mund të jetë simptomë e mungesës së biotinit.

? Prodhimi/sinteza e yndyrës (Acidet yndyrore)

Shumica e simptomave të mungesës së biotinit përfshijnë probleme me lëkurë. Prodhimi i yndyrës është i rëndësishëm veçanërisht për qelizat e lëkurës ngase ato vdesin dhe duhet të zëvendësohen me shpejtësi, dhe gjithashtu ato janë në kontakt me mjedisin e jashtëm dhe duhet të luajnë rolin e pengesës së përzgjedhur. Në raste kur qelizat nuk prodhohen në sasi të duhura, qelizat e lëkurës janë të parat që zhvillojnë probleme. Të miturit në mungesë të biotinit zhvillojnë dermatit, copëza të verdha të skuqura rreth kokës, vetullave dhe lëkurës prapa veshëve. Tek të rriturit quhet seborrheic dermatitis, që mund të zhvillohet në pjesë të ndryshme të trupit.

? Mbështetës në aktivitetin e sistemit nervor

Për arsye se glukoza dhe yndyra përdoren për energji brenda sistemit nervor, biotini poashtu funksionon si vitaminë ndihmës në këtë zonë. Numër i madh i simptomave të nervave është i lidhur me mungesën e biotinit. Këto simptoma përfshijnë dridhje, mungesë e koordinimit të muskujve (ataxia), dhe zvogëlim të forcës muskulore (hypotonia).

Cilat janë simptomat e mungesës së biotinit?

Rënia e flokëve: përveç rënies së flokëve, flokët bëhen më të holluara dhe kanë degëzime.
Thonjtë: shtresimet dhe pamundësia e rritjes së thonjve.
Sistemi nervor dhe muskulor: mungesë e koordinimit të muskujve, plogështi dhe dridhje.
Lëkura: skuqjet e vazhdueshme në lëkurë, dhe humbja e shkëlqimit natyral të lëkurës.
Të tjera: skuqje rreth syve, apati (mungesë e energjisë), shenjat e para të depresionit, ndjesi shpimi gjilpërash në nyje, etj.

A ka ndonjë bashkëveprim me ushqime tjera?

E bardha e vezë e papjekur përmban një substancë (avidin) e cila bashkohet me biotinin dhe pamundëson absorbimin. Ngrënia e 2 apo më tepër e bardhës së vezë e papërgatitur për një kohë shkakton mungesë të biotinit.

Çfarë doze duhet konsumuar?

Të rriturit mbi moshën 19 vjeçare duhet konsumuar 30-35 mikrogram biotin në ditë për ta mbajtur shëndetin në nivelin e duhur.

Sasia e rekomanduar sipas moshës:

Kategoria Sasia adekuate e biotinit

0-6 muaj 5 microgram/ditë
7-12 muaj 6 mcg/ditë
1-3 vjeç 8 mcg/ditë
4-8 vjeç 12 mcg/ditë
9-13 vjeç 20 mcg/ditë
14-18 vjeç 25 mcg/ditë
19 vjeç dhe sipër 30 mcg/ditë
Shtatzënat 30 mcg/ditë
Gjatë gjidhënies 35 mcg/ditë

Ushqimet më të pasura me biotin:

Ushqimet e detit
Ushqimet e ndryshme të detit si tuna, salmoni dhe sardelet janë burim i shkëlqyeshëm i biotinës.

Mishi
Mish i kuq, salmoni, shojzat, mëlçia, gjeldeti, dhe mishi i lopës përmbajnë biotin dhe mund të ndihmojnë për shmangien e pamjaftueshmërisë së tij.

Vezët
E verdha e vezës, gjendet lehtësisht nëpër të gjitha shtëpitë dhe pëlqehet nga shumica. Ndihmon poashtu në mirëmbajtjen e shëndetshme të flokëve dhe thonjve.

Produktet e qumështit
Produktet si qumështi, gjiza, djathërat e ndryshëm janë burim i biotinit. Qumështi i lopës si dhe i dhisë përmban biotin.

Soja
Soja përmban sasi të konsiderueshme të biotinit, kurse qumështi i saj nuk përmban këtë përbërës.

Perimet
Perimet si sallata zvicerane (swiss chard), sallata e gjelbër, trangujt, lakra, spinaqi, gjenden lehtësisht në treg dhe përmbajnë biotin.

Pemët
Pemët që përmbajnë biotin janë bananet, avokado, luleshtrydhet, mjedrat, etj. Avokado është më e pasura dhe ndihmon për një lëkurë të shëndetshme.

Arrat
Kikirikët, bajamet, lajthitë, arrat përmbajnë biotin. Këto gjithashtu përmbajnë sasi të
konsiderueshme të omega-3 acide të yndyrshme të cilat ndihmojnë në mirëmbajtjen e shëndetshme të lëkurës, thonjve dhe flokëve.

Manaferrat
Manaferrat, dredhëzat, boronica, lëngu i kokosit përmbajnë biotin dhe rrisin nivelin e energjisë.
Këto përmbajnë sasi të lartë të vitaminës C dhe janë antioksidantë të fuqishëm.

Pijet
Pijet si çaji i zi, kafja kanë një sasi të vogël të biotinit. Ndonëse mund të përmbushin nevojat ditore, duhet të merren në sasi të vogla për shkak të përmbajtjes së kafeinës.

Farat e lulediellit
Farat e lulediellit janë një ndër burimet më të pasura të biotinës. Ato poashtu përmbajnë hekur, kalium, kalcium, magnez, vitaminë E, dhe vitaminë B.

Këshilla të rëndësishme:
Në raste të mungesës së biotinit, preferohen suplemente që përmbajnë dozën, psh., 3000 mcg.
Biotini ndihmon në metabolizmin e ushqimit që hani dhe vëreni ndryshim në thonj, flokë, dhe lëkurë. Pra, nëse nuk hani ushqim para përdorimit, gjasat janë që nuk do të keni rezultate të kënaqshme sepse trupi juaj nuk do të ketë çfarë të tretë.