Zëdhënësi i policisë për rajonin e Mitrovicës, Besim Hoti, është emëruar zëvendësdrejtor i Policisë së Kosovës për rajonin e veriut të vendit.

Lajmin e ka konfirmuar për Kosovapress edhe vetë kapiteni Hoti.

“Po është e vërtetë. Prej dje zyrtarisht jam caktuar në pozitën e zëvendës drejtorit për katër stacionet në veri të vendit”, ka thënë shkurt Hoti.

Ndryshe, ky emërim është bërë në përputhje me marrëveshjen e 19 prillit ndërmjet kryeministrit, Hashim Thaçi dhe atij serb, Ivica Dacic, sipas së cilës zv drejtori i Policisë së Kosovës për veriun duhet të jetë shqiptar.