Bari i tëmblagjakut dhe vetitë shëruese të tij

VENI RE: Përdoret vetëm me porosi të mjekut sepse ka veti helmuese.

Tëmblagjaku (Chelidonium majus)

Tëmblagjaku, bima mjaft e njohur e zonave gurishtore e me lagështirë, është një ndër bimët e rëndësishme që ndihmon në kurimin e sëmundjeve, duke filluar që nga kolla e deri në ato më të rënda, siç është kanceri.

Përbërja

Pjesa mbitokësore e lulzuar dhe e tharë e tëmbagjakut është e pasur me alkaloide. Po të këputet bima e freskët nxjerr një lëng qumështor me ngjyrë portokalli. Përbërësit e tij kelidonina dhe keleritrina kanë veti baktericide dhe veprojnë si helme në bërthamën e qelizave ( pengues në zhvillimin e tomoreve). Alkaloidet e tjera si homokelidonina sanguinarina etj. kanë veti të ngjashme me ato të hashashit.

Vetite

Në sajë të kësaj përbërje bari i tëmblagjakut vepron nëpërmjet sistemit nervor qëndror si nxitës në muskulaturën e lëmuar të uterusit dhe në funksionin e zemrës, nxit presionin e gjakut dhe zgjeron enët e koronares, liron ngërçin e bronkeve dhe të zorrëve. Tëmblagjaku ka dhe veti fitoncide. Më parë është përdorur kundër kancerit të lëkurës. Studimet e bëra në kohët e fundit nxjerrin se kjo bimë frenon rritjen e qelizave te tumoreve. Tëmblagjaku këshillohet si qetësues e antispazmodik që lehtëson dhembjet e mëlçisë së zezë, shton rrjedhjen e tëmthit, përdoret kundër kollës së mirë, në krizat e astmës, si qetësues i ngërçeve të stomakut dhe si qetësues i dhembjeve në sëmundjen e fshikëzës së tëmthit.

Shërimi

Falë kësaj përbërjeje bari i tëmblagjakut, pas tharjes dhe grimcimit të tij vepron dukshëm në uljen e tensionit të lartë të gjakut, shumë shqetësues ky problem në pjesën më të madhe të moshës së rritur. Në këto raste mjekët këshillojnë pirjen e lëngut, por edhe të qëndrojnë për disa minuta shtrirë. Nëse ndiqen këshillat, shumë shpejt do ta ndiejnë veten mjaft mirë. Lëngu jep efekte pozitive edhe në funksionimin sa më të mirë të zemrës. Një rol të rëndësishëm luan tëmblagjaku në zgjerimin e enëve të gjakut, duke përmirësuar dhe qarkullimin e tij. Bima ndihmon në parandalimin e sëmundjeve të këtij organi kaq të rëndësishëm. Tëmblagjaku ka dhe veti fitoncide. Me mjaft sukses është përdorur kjo bimë për të parandaluar shfaqjen e kancerit në lëkurë. Studimet më të fundit kanë treguar se bima frenon rritjen e qelizave të tumorëve, për shkak të elementeve që përmban. Në sajë të vetive kuruese, tëmblagjaku këshillohet si qetësues e antispazmotik që qetëson dhimbjet e mëlçisë së zezë e shton rrjedhjen e tëmthit. Lëngu i përftuar nga bima përdoret edhe si qetësues i dhembjeve në sëmundjet e fshikëzës së tëmthit. Shërben edhe në rastet e të sëmurëve me kollë dhe lehtëson krizat e shkaktuara nga astma.

Përgatitja

1-2 gr nga kjo bimë e tharë e grimcuar hidhet në një enë ku i shtohet 150 ml ujë që valon. Mbulohet me kapak dhe lihet në qetësi për 15 minuta . Pastaj kullohet dhe pihet 1-2 lugë gjelle çdo tre orë.

Përdorimi

Të sëmurët këshillohet të marrin lëngun menjëherë pas nisjes së krizave, sidomos kur ato nisin gjatë natës. Edhe në sëmundjet e stomakut kjo bimë ka dhënë rezultate pozitive, në veçanti për qetësimin e dhimbjeve të shkaktuara nga sëmundje të ndryshme. Pjesët kurative përbëhen nga pjesa mbitokësore, e lulëzuar dhe e tharë e tëmblagjakut. Në krahina të ndryshme bima mund të gjendet edhe me emrat letrapeci i madh ose lulja e jodit. Kjo bimë rritet në vende gurishtore me lagështirë buzë arave, nga zonat e ulëta deri në ato subalpine. Tëmblagjaku është bimë barishtore shumëvjeçare me gjethe thellësisht të prera, të buta e të gjelbra. Lulet janë të verdha. Bima lulëzon nga muaji prill deri në verë. Për përgatitjen e lëngut, që do shërbejë si mjekim, nevojitet gjysmë luge kafeje nga bima e thatë dhe e grimcuar, që hidhet në një ene ku shtohet një gotë me ujë që zien. Masa duhet të rrijë për 15 minuta, më pas lëngu kullohet. Prej tij pihet 1 deri 2 lugë gjelle çdo tri orë. Në rast se dhimbjet vazhdojnë, doza përsëritet gjatë ditës.

(Visited 536 times, 1 visits today)