Domingo, 26/5/2019 | : : UTC+0
Mjeksia Islame
Mjeksia Islame

Ata nuk janë të huaj, ata janë prindërit tu!



Ata nuk janë të huaj, ata janë prindërit tu!

Ata nuk janë të huaj, ata janë prindërit tu!

Një burrë i tha gruas së tij: “Sa po më mungojnë prindërit e mi, vëllezërit e mi dhe fëmijët e tyre, ka një kohë që nuk i kam parë, do t’i ftoj nesër te ne për drekë.”

Gruaja tha pa vullnet: “Inshallah”.

Të nesërmen në mëngjes burri shkoi në punë dhe erdhi në shtëpi pak më herët se zakonisht dhe i tha gruas së tij: “Prindërit e mi do të vijnë pas një ore, ku është ushqimi?”

Ajo u përgjigj: “Jo, nuk kam përgatitur asgjë, pasiqë ata janë prindërit e tu, nuk janë të huaj dhe mund të hanë atë që na ka ndodhur në shtëpi.”

Në këtë burri i tha: “Allahu të faltë oj grua, po pse nuk më the dje se nuk do të përgatisësh asgjë, kurse tash për një orë ata do të jenë këtu.”

Gruaja i tha: “Thirri, kërkoju falje, dhe thuaju të mos vijnë… Ata nuk janë të huaj (musafirë), por janë prindërit tu.”

Burri doli nga shtëpia, i pikëlluar dhe i menduar.

Pas një kohe të shkurtër, u dëgjua zilja në derën e hyrjes së shtëpisë. Gruaja e hapi derën, por u befasua kur i pa prindërit e saj, vëllezërit e saj dhe fëmijët e tyre.

Babai e pyeti: “Ku e ke burrin?”





Ajo u përgjigj: “Ai doli pak më herët.”

Babai i saj u shpreh i irrituar: “Por burri yt dje na ftoi për drekë, kurse tash nuk është këtu.”

Gruaja u nervozua, e thirri burrin dhe e pyeti e zemëruar: “Pse nuk më ke thënë ti se i ke ftuar prindërit e mi për drekë?”

Ai iu përgjigj me një ton të qetë: “Prindërit e mi janë edhe prindërit tu, kurse prindërit tu janë edhe prindërit e mi, për mua nuk ka dallim ndërmjet tyre…”

Gruaja e ndërpreu e mërzitur: “Të lutem kthehu në ndonjë restorant luksoz dhe sille ushqimin më të mirë, sepse në shtëpi nuk ka asgjë që mund tu ofrojë.”

Burri iu përgjigj i relaksuar: “Unë tash jam shumë larg nga shtëpia, ata janë prindërit e tu e nuk janë “të huaj”, mund tu ofrosh atë që ke menduar t’ua ofrosh prindërve të mi për drekë.”

Përshtati: Miftar Ajdini

(Visited 52 times, 1 visits today)




Top