Duke iu referuar Shqipërisë, agjencia amerikane e lajmeve “Time World”, shkruan se një prej aleatëve më të vendosur në SHBA-së e NATO-s nuk dëshiron të presë shkatërrimin e armëve kimike të Sirisë.

Kur plani ndërkombëtar për të shkatërruar armët kimike të Sirisë ishte duke u negociuar, pak amerikanë do të kishin imagjinuar se suksesi i saj mund të varej nga Shqipëria. Por të premten, Shqipëria tha: “Jo në oborrin e shtëpisë sime”. Gjetja e një vendi të gatshëm për të marrë armët ka qenë një problem i zgjatur.

Në tetor, Norvegjia nuk pranoi, duke deklaruar “kufizimet e kohës dhe faktorëve të jashtëm, të tilla si kapacitetet, kërkesat rregullatore”. Danimarka dhe Suedia ofruan të ndihmojë transportimin e armëve dhe këtë javë, ministri i Jashtëm i Norvegjisë u ofrua të dërgojë një anije mallrash civile dhe një fregatë të marinës për të marrë armët kimike dhe transportin e tyre diku tjetër. Zyrtarët amerikanë dhe ONAK shpresonin se Shqipëria do të ishte destinacioni dhe kjo nuk është për t’u habitur që ata pritën bashkëpunimin. Shumica e amerikanëve mund të dinë shumë pak për Shqipërinë përtej rolit të saj në komedinë satirike politike të vitit 1997 “Wag the Dog”.

Por, në realitet Shqipëria është një prej aleatëve më të vendosur të amerikanëve e NATO-s; vendi që mbështeti përpjekjet amerikane pas 11 shtatorit duke përfshirë dhënien e azilit të burgosurve të Guantanamos.

A do të luajë ndonjë vend rolin e pritësit të armëve kimike të Sirisë? Asnjë kandidat i ri nuk është përmendur dhe duke pasur parasysh reagimet përgjithësisht negative deri më tani, është e paqartë nëse dikush dëshiron. E gjithë politika është lokale në thelb, shkatërrimi i armëve kimike në një vend tjetër mund të ndezë atë që shkencëtarët politikë e quajnë faktori “NIMBY: “Not in my backyard”, (“Jo në oborrin tim”). Nuk ka asnjë vend në tokë që pritja e armëve kimike të jetë politikisht popullore dhe sipas planit aktual, nuk ka shumë kohë për të gjetur një të tillë. Marrëveshja SHBA-Rusi bën thirrje që të gjitha armët kimike dhe materialet të jenë jashtë Sirisë deri në 31 dhjetor.