Kandidati për Kryetar të Vushtrrisë nga radhët e PD-së Abdullah Klinaku i shoqëruar nga disa kandidatë për asamblenë komunale sot takoi qytetarët e fshatit Pestovë dhe fshatit Karaçë. Në këtë takim u diskutuan problemet dhe telashet me të cilat po ballafaqohen banorët e këtyre fshatrave.

Qytetarët ngrehen shqetësimin për mungesë të ujit, infrastrukturë të papërshtatshme, nivel të lartë të papunësisë dhe neglizhim në kërkesat e tyre nga pushteti lokal.

Abdullah Klinaku para qytetarëve të këtyre fshatrave shpalosi programin e Partisë dhe sigurojë qytetarët se qeverisja me PD-në do të jetë një qeverisje e drejtë, e ndershme, profesionale dhe e ndërgjegjshme karshi interesave të qytetarëve.

Ai premtoi se delegatët e PD-së dhe ata që marrin përgjegjësi për të qeverisur, do të jenë në dispozicionin e tyre dhe do të realizojnë me përpikëri detyrimet dhe përgjegjësit të cilat i kanë ndaj tyre.