Flasim shumë dhe nuk heshtim, përveç disave.
A e dimë rëndësinë e fjalës?!

Allahu ka thënë:
”Ai nuk hedh ndonjë fjalë e të mos jetë afër tij përcjellësi i gatshëm.” (Kaf: 18)

Muhamedi, alejhi selam, ka thënë:
”Kush beson në Allahun dhe Ditën e Gjykimit le të flasë mirë ose le të heshtë.”

Aliu, Allahu qoftë i kënaqur me të, ka thënë: “Kur përsoset mendja, pakësohen fjalët.”

Llukmani i ka thënë birit të tij: ”O biri im, nëse njerëzit krenohen me fjalët e tyre, krenohu ti me heshtje.”

Vehb b Verd ka thënë:
”Na është përcjellë se urtësia është dhjetë pjesë, nëntë prej tyre me heshtje dhe një në distancimin nga njerëzit.”

Imam Shafiu ka thënë:
”Nëse ndokush nga ju dëshiron të flasë, le të mendojë në fjalët e tij, nëse sheh mirësi le të flasë, e nëse dyshon le të heshtë, le të heshtë derisa të shohë mirësi.”

Imam Shafiu i ka thënë Rebias: ”Mos fol për atë që nuk të hyn në punë, sepse nëse flet të robëron fjala dhe nuk mund ta robërosh.”

Përshtati: Hoxhë Valdet Kamberi