Mbi 66 mijë qytetarë të Kosovës janë larguar nga vendi në kërkim të një jete më të mirë.

Mbi 66 mijë qytetarë të Kosovës janë larguar nga vendi në kërkim të një jete më të mirë. Këta azilkërkues, sipas të dhënave të institucioneve të BE-së, kanë ikur nga Kosova nga viti 2009 deri në fund të gushtit 2013.

Ky numër mendohet se është dyfishuar në tetë muajt e parë të vitit 2013, duke marrë parasysh faktin se edhe mijëra azilkërkues të tjerë qëndrojnë ilegalisht në vendet e Evropës perëndimore.

Duke cituar të dhënat e Eurostatit, gazeta Zëri bën të ditur se numri i qytetarëve të Kosovës që kanë kërkuar azil nga 1 janari i vitit 2009 e deri më 31 gusht të këtij viti është 66 mijë e 85 persona.

Shumica e tyre kanë kërkuar azil në 28 shtetet anëtare të BE, por edhe në Zvicër, Islandë, Lihtejnshtajn e Norvegji.