Truri i njeriut është një organ kompleks që kërkon shumë përbërës për një mirëfunksionim. Ja disa nga më kryesorët për një tru të shëndetshëm.

Tiamina (vitamina B1)

Sipas “The Journal of International Medical Research” vitaminat e grupit B luajnë një rol kyç në tejçimin e impulseve nervore. Mungesa e tyre çon në sindromën Korsakof, një çregullim i kujtesës dhe aftësisë për të mësuar, më shpesh e hasur ndër alkolistë. Ushqime me vitaminë B1 janë kikirikët, arrat, peshku dhe stikat e pishave.

Ácidi folik (vitamina B9)
Gjysma e rezevave të kësaj vitamine gjendet në mëlçi, për pasojë një dëmtim i këtij organi çon në mungesa të disa lloje vitaminash B. Acidi folik luan rol në sintezën e aminoacideve dhe formimin e indit nervor. Mungesa e kësaj vitamine dhe e disa të tjerave të këtij grupi B ndikon direkt në zhvillimin e fëmijëve. Ushqime me përmbajtje acidi folik ose vitamina B janë spinaqi, argjinaret dhe thjerrzat.

Ácidi askorbik (vitamina C)
Përqendrimi më i lartë i kësaj vitamine gjendet në tru, në gjendrën pituitare (400 mg / kg). Kjo vitaminë është e rëndësishme në sintezën e neurotrasmetimit të dopaminës dhe e mbron trurin kundër stresit oksidues. Meqë kjo vitaminë nuk mund të depozitohet në organizëm rekomandohet marrja e përditshme rreth 90 mg nga ushqimet. Ushqime me vitamina C janë brokoli, mandarinat, luleshtrydhe dhe portokalli.

Kalçiumi
Kalçiumi është një mineral thelbësor për funksionimin e trurit, luan një rol kryesor si mesazher i qelizave nervore, rregullon neurotrasmetimin dhe kontrollon impulset nervore. Mungesa e tij në organizëm është e rrallë sepse organizmi ka një rezervë të madhe të mineralit në kocka, disa medikamente mund ta reduktojnë nivelin e kalçiumit. Ushqime me kalçium janë qumështi, kosi, djathi, tofuja dhe spinaqi.

Magnezi
E quajnë minerali i mrekullive. Magnezi është i rëndësishëm për shndrrimin e vitaminave B në formën aktive të tyre. Një studim tregoi se administrimi i suplementeve të magnezit tek minjtë e rritur përmirësoi kujtesën si dhe kujtesën afatgjatë. Një ekuilibër i magnezit dhe kalçiumit eviton eksitimin e sistemit nervor. Cdo mungesë e tyre çon në probleme neurologjike. Ushqime me magnez janë farat e kungullit, kakaoja pluhur, bajamet dhe kikirikët.

Zinku
Shkencëtarët nuk e dinë se çfarë roli luan zinku në shëndetin e trurit, por mungesa e tij lidhet me çregullime neurologjike dhe psikologjike si sëmundja e Parkinsonit apo edhe sëmundja e Alzheimerit. Ushqime të pasura me zink (kryesore edhe për sistemin imunologjik) janë qingji, midhjet, kungulli dhe mëlçia./botasot