Wednesday, 26/7/2017 | : : UTC+0
Mjeksia Islame
Mjeksia Islame

ZGJOHU!: Të respektohet gjuha shqipe në Shkup

ZGJOHU!: Të respektohet gjuha shqipe në Shkup

zgjohu

Lëvizja Qytetare “ZGJOHU!” konsideron që në përputhje me Kushtetutën e Maqedonisë si dhe me Marrëveshjen e Ohrit, gjuha shqipe është gjuhë zyrtare jo vetëm në qytetin e Shkupit, por edhe në Maqedoni.

“Amandamenti V i Kushtetutës thekson që: Gjuhën të cilën e flasin sëpaku 20% e qytetarëve, gjithashtu është gjuhë zyrtare si dhe alfabeti i saj siç është e përcaktuar me këtë nen. Duke pas parasysh këto dispozita ligjore, më 16 dhe 18 janar 2013, ZGJOHU! ka dorëzuar padi pranë prokurorisë kundër NTP Shkup, Parqet dhe Gjelbrimi, Ujësjellësi dhe Kanalizimi për mosrespektim të Kushtetutës dhe Ligjit për përdorim e Gjuhës Shqipe. Akoma nuk ka asnjë lëvizje në këtë drejtim dhe kjo sjell dyshime për ndikim politik dhe partiak mbi prokurorinë për mos ta proceduar padinë që duhet të rezultoj me dënim të drejtorëve”, thekson kjo Lëvizje.

Lëvizja ZGJOHU! është jashtëzakonisht e shqetësuar nga partizimi dhe politizimi i gjykatave dhe prokurorisë që në pafundësi e prolongojnë procedimin e padisë sonë ndaj ndërmarrjeve publike të Qytetit të Shkupit të cilat nuk e përfillin obligimin ligjor për ta respektuar gjuhën shqipe si gjuhë zyrtare në qytetin e Shkupit.

ZGJOHU! paralajmëron se do ta alarmon opinionin publik dhe komunitetin ndërkombëtar për mosrespektimin e gjuhës shqipe dhe refuzimin e përmushjes së obligimit ligjor për ta zbatuar Kushtetutën bashkë me ndikimin e dyshuar politiko-partiak mbi prokurorinë dhe gjykatat të cilat nuk proceduojnë paditë dhe dalin në mbrojtje të atyre që thyejnë Kushtetutën dhe Ligjin. (INA)

Një shkrim tjetër i dobishëm  Haxhi 2013 – Ka filluar nisja e haxhilerëve nëpërmjet vijës tokësore

Categories

Archives