Friday, 26/5/2017 | : : UTC+0
Mjeksia Islame
Mjeksia Islame

Varshmëria nga kofeina !?


Varshmëria nga kofeina !?


kofeina
Alarmante, trishtuese, në vendet e zhvilluara nëntë nga dhjetë persona për çdo ditë marrinnga një lloj të drogës psihotrope (substanca të cilat ndryshojnë punën e trurit të njeriut).
Është epabesueshme por e vërtetë se kjo bëhet pikërisht duke konsumuar për çdo ditë kofein. Tani është bërë shprehi tek njerëzit që bile një here në ditë të pijnë nga një filxhan kafe, ose një gotë çaj me tein, dikush tjetër përdor tableta me përmbajtje të lartë të kofeinës si terapi për shërimin e ndonjë sëmundje.
Ose të tjerët përdorin pije jooalkoolike të gazuara me përmbajtje të konsiderueshme kofeine etj.

Substancat të cilat shkaktojne varshmëri përcillen me efekte negative në aspektin fizik dhe mental, në momentin kur e ndërpreni konsumimin e tyre. Simptomet të cilat menjëherë reflektohen tek njeriu janë: dhembja e kokës, shfaqja e migrenës, lodhja, humbja e apetitit, vjellja etj. Aspekti psiqik I varshmërisë është me i rrezikshëm se ai fizik sepse shpesh personi vie deri tek depresioni (gjendja depresive).
Ndryshimet më të theksuara në trupin e njeriut vërehen në stimulimin e tepruar të sistemitnervor që manifestohet me dridhje të trupit, shfaqja e nervozës, merakosje dhe probleme me gjumin. Pastaj përdorimi i pijeve me dozë përmbajtje të kofeinës shkaktojnë ngacmime në lukth, vetë kofeina vepron në enët e gjakut të sistemit të tretjes dhe me këte e vështirëson tretjen normale në organizëm. E veçantë për ta theksuar se është vërtetuar se përdorimi i pijeve të gazuara me kofeinë mundëson largimin e sasive të mëdha të acidit nga lukthi që është element shtesë në çrregullimin e sistemit të tretjes.

Kofeina tek njeriu shkakton një ndjenjë momentale të energjisë së tepruar e cila shpjegohet me rritjen e sasisë së sheqerit në gjak. Mirëpo, pasojat jane të kundërta sikur ajo energji e marrë përmes pijeve është e rrejshme, sepse njeriu shpejtë mbetet pa energji dhe ndjen lodhje e plogështi. Prandaj e logjikshme është që organizmi të kërkojë edhe një pije me kofeinë, pastaj edhe një, dhe kështu të konsumojë sasi të kofeinës në mënyr të pakontrolluar.

Një shkrim tjetër i dobishëm  Faktorët e prishjes së dhëmbëve

Kur të zgjoheni nga gjumi duke e pjekur një kafe ju do të ndjeheni aromën e saj, por droga e juaj e preferuar nuk gjendet vetëm në kafe apo në pije me kofeinë; Futja e sasive të pakontrolluara të kofeinës në organizmin e njeriut shkakton:
– rritjen e sasisë së sheqerit në gjak,
– rritjen e shtypjes së gjakut,
– rritjen e sasisë së triglicerideve në gjak,
– humbja e kalciumit dhe magnezit përmes urinimit, dhe
– humbja e ritmit të punës së zemrës.
Çfarë duhet bërë që ju të largoheni nga vesi i përdorimit të tepruar të kofeinës?
1. Gradualisht zvogëloni sasinë e kofeinës duke zvogëluar numrin e kafeve.
2. Të zvogëloni numrin e pijeve me përmbajtje të lartë kofeine.
3. Filloni të përdorni ujin duke shtuar sasinë.
4. Ngadalësoni aktivitetet tuaja të përditshme.
5. Ushtroni në ajër të pastërt.

Duhet te krijoni shprehi që në restaurant në vend të një pije të gazuar të kërkoni një shishe me ujë
të pagazuar. Gjithashtu mos bleni lëngje me permbajtje të kofeinës për në shtëpi sepse pastaj edhe fëmijët mund të mësohen që ato t’i përdorin në mënyrë të pakontrolluar.

Shkroi: Mr. sci. Agim Hasani

Categories

Archives