Friday, 20/1/2017 | : : UTC+0
Mjeksia Islame
Mjeksia Islame

Vaji i livandës


Vaji i livandës


Përparësitë e vajit të livandës

Livanda përdoret më shumë se 2000 vjet. Së pari, për shkak të aromës së këndshme është përdorur si parfum, ndërsa më vonë vendin e vet e ka gjetur në mjekësinë alternative.

Vaji i livandës është një nga vajrat eterike më të popullarizuara. Përveç që ka aromë të këndshme, është treguar i shkëlqyeshëm për lirimin e tensionit, dezinfektimin e lëkurës dhe shërimin e suksesshëm të problemeve respiratore.
Vaji i livandës fitohet nga lulet e bimës së livandës përmes distilimit me avull. Livanda është bimë e cila rrjedh nga zona mesdhetare. Ka ngjyrë të purpurt dhe aromë të dallueshme. Përdoret në produktet e ndryshme kozmetike.

Vaji i livandës ka shumë përparësi shëndetësore. Megjithatë, para përdorimit këshillohuni me mjekun tuaj, sepse vaji i livandës është i papërshtatshëm për disa njerëz. Për shembull, vaji i livandës nuk rekomandohet në tre muajt e parë të shtatzënisë, por mund të ndihmojë në fazat e mëvonshme të shtatzënisë.

Ekzistojnë shumë lloje të bimës së livandës, por vetëm katër përdoren për prodhimin e vajit e ato janë:
– Livanda franceze – më së shpeshti përdoret për prodhimin e parfumeve.
– Livanda e vërtetë ose angleze – përdoret në aromaterapi dhe për qëllime mjekësore.
– Livanda portugeze – përdoret në prodhimin e produkteve kozmetike.
– Livanda holandeze – përdoret për shërimin e ftohjes, kollës dhe relaksimit të muskujve.

Përmirëson sistemin nervor
Livanda ka aromë relaksuese, për çka përdoret si relaksues natyral te njerëzit që janë nën stres. Po ashtu ndihmon te shërimi i dhimbjes së kokës. Megjithatë, më efikase është te personat që vuajnë nga ankthi dhe depresioni. Një hulumtim ka treguar që livanda përmban përbërës i cili ndihmon te relaksimi i muskujve.

Një shkrim tjetër i dobishëm  Lecitina di soja

Përmirëson kualitetin e gjumit
Hulumtimet e ndryshme kanë treguar që livanda u ndihmon njerëzve që të flenë dhe atë në mënyrë sa më kualitative. Mjekët shpesh ua rekomandojnë përdorimin e vajit të livandës personave që vuajnë nga pagjumësia. Efekti relaksues do të ndihmojë te qetësimi, çka është kyç për gjumë kualitativ.

Ndihmon te problemet me sistemin urinar
Vaji i livandës stimulon prodhimin e urinës. Livanda ndihmon te kthimi i ekuilibrit hormonal. Vaji do të ndihmojë te lehtësimi i inflamacionit të fshikëzës dhe infeksioneve të sistemit urinar.

Përmirëson frymëmarrjen
Nëse keni probleme me frymëmarrjen të shkaktuar nga ftohja, gripi apo edhe astma, vajin e livandës aplikojeni në lëkurë të qafës ose gjoksit, dhe kjo do t’ju ndihmojë që të merrni frymë si duhet. Livanda relakson muskujt në vendet në të cilat aplikohet.

Përmirëson shëndetin e lëkurës
Livanda ka edhe veçori antiseptike dhe antifungale, çka do të ndihmojë te shërimi i sëmundjeve dhe inflamacioneve të lëkurës. Mund të shpejtojë shërimin e plagëve dhe djegieve. Megjithatë, nëse përcaktoheni për aplikimin e livandës në lëkurë, më së miri do të ishte që vajin ta holloni me ujë. Nëse ende nuk jeni të sigurt për aplikimin adekuat, këshillohuni me mjekun tuaj para përdorimit.

Përmirëson tretjen dhe apetitin
Vaji i livandës rrit lëvizshmërinë e zorrëve, stimulon traktin biliar që ndihmon te lehtësimi i çrregullimeve tretëse dhe diarresë. Një hulumtim ka treguar që inhalacioni i aromës së livandës në periudhën prej 15 minutash rrit apetitin për 15 për qind. Kështu, livanda mund të jetë formë e përkryer e terapisë për njerëzit që vuajnë nga çrregullimet e të ngrënit.

image_pdf

Categories

Archives