Wednesday, 15/8/2018 | : : UTC+0
Mjeksia Islame
Mjeksia Islame

Uthulla e mollës, ja për çfarë mund ta përdorin femrat



Uthulla e mollës, ja për çfarë mund ta përdorin femrat

A e dini se uthulla e mollës është një aleat i fortë për bukurinë dhe shëndetin?

Procesi i fermentimit të lëngut të freskët të mollës në enë të mëdha druri, deri sa përftohet uthulla e shumëpërfolur si eliksir mrekulli-bërës, bën që bashkë me shijen e saj klasike, të ruhen me dhjetra vlera dhe substanca të vyera për organizmin tonë.

Ja për çfarë mund ta përdorni uthullën e mollës.

Tonifikues

Mund ta përdorni këtë produkt kuzhine edhe si tonifikues të përditshëm. Aciditeti i uthullës së mollës balancon nivelin e pehashit (pH) të lëkurës, duke ndihmuar kështu në heqjen e njollave dhe parandalimin e formimit të puçrrave. Për ta bërë këtë tonifikues, mjafton të përzieni uthullën e mollës me ujin në raportin 1 me 2, e tundni mire dhe aplikojeni në lëkurë.

Për shkëlqimin dhe zbutjen e flokëve

Nëse po kërkoni për një shkëlqyes flokësh, mos kërkoni më shumë. Mjafton vetëm të përzieni 2 lugë gjelle uthull molle me një filxhan ujë dhe me të të lagni flokët. Acidi acetik detoksifikon skalpin, heq toksinat e formuara dhe rikthen shkëlqimin e flokëve.





Lehtëson djegiet nga dielli në lëkurë

Kombinoni gjysmë filxhani uthull molle me 4 filxhanë ujë. Kjo përzierje ndihmon në balancimin e niveleve të pehashit (pH) në lëkurë dhe shëron pjesët e acaruara të lëkurës.

Për heqjen e erës së keqe të këmbëve

Mund ta përdorni uthullën e mollës edhe për të hequr erën e keqe të këmbëve dhe për t’i freskuar. Përzieni një filxhan uthull molle me ujë dhe zhytni këmbët për 15 minuta. Kura antiseptike dezinfekton këmbët dhe lufton erën e keqe të tyre.

Për pastrimin e furçave të make-up

Përzieni 3 lugë çaji uthull molle në një filxhan me ujë të ngrohtë dhe përdoreni këtë solucion për të pastruar furçat e grimit. Vetitë antiseptike të uthullës së mollës do të ndihmojnë në luftimin e baktereve.





Categories

Archives