Saturday, 22/7/2017 | : : UTC+0
Mjeksia Islame
Mjeksia Islame
Tirana
0C

Truri eshte si muskujt, gjate sportit mund te lodhet

Truri eshte si muskujt, gjate sportit mund te lodhet

truri iStudimi i Universitetit të Kopenhagës ka arritur të zbulojë se serotonina vepron si një amortizues, kur përpjekja sportive është e tepruar. Sipas studiuesve, harta e mekanizmit që shkakton “lodhjen qendrore” do të jetë e dobishme në luftën kundër dopingut dhe zhvillimin e terapive të reja farmakologjike

Shkencë

Frika e shumë atletëve është ajo që të mos ndalojnë përpara se të arrijnë objektivin; për të mos qenë në gjendje të ecin përpara, pak metra deri te fundi i rrugës së një maratone, apo e një gare me biçikleta, sepse nuk kanë më forca. Ky është ankthi i shumë atletëve që varet jo vetëm nga “shembja” fizike e organizmit, por edhe nga një mekanizëm frenues i prodhuar nga truri i lodhur, si muskujt.

Kjo gjë është përcaktuar nga një studim i Universitetit të Kopenhagës i publikuar në revistën “Pnas”. Studiuesit kanë arritur të identifikojnë një ndikues biokimik, i cili bën të përshpejtojë një sforco fizike si një lodhje të padurueshme përpara se të shfaqet te muskujt. “Zbulimi ynë kontribuon për të nxjerrë në dritë paradoksin, i cili ka qenë prej shumë kohësh objekt diskutimi. Pra që, neurotransmetuesi serotonina realizohet kur trupi është nën stres dhe e ndihmon sportistin për të ecur përpara. Por tani kemi zbuluar që një “tepricë” e kësaj substance është përgjegjëse e mekanizmit që nxit trurin kur ai i komunikon trupit të ndalojë.

Pra funksionet e serotoninës reagojnë si përshpejtuese, por edhe si frenuese kur tensioni sportiv bëhet i tepruar”, shpjegon Jean-François Perrier, autori i studimit. Sipas Perrier, harta e mekanizmit, që shkakton “lodhjen qendrore”, në të ardhmen do të jetë e dobishme në luftën kundër dopingut dhe të zbulimit të barnave të reja.

Një shkrim tjetër i dobishëm  Sauna ul aftësinë e riprodhimit tek meshkujt

“Është thelbësore të identifikosh se cilët janë proceset në bazë të këtij mekanizmi, në mënyrë që të identifikojnë rastet ku ndodh. Është një studim i vlefshëm për të parë edhe kur atleti përdor ndihmën e substancave të ndaluara. Ndërkohë, studimi mund të ndihmojë në sëmundjet neuromuskulore që bllokojnë lëvizjen e personave.

Në fakt, të zbulosh sesi truri dhe serotonina bashkëveprojnë në aktivitetin e “lodhjes qendrore” mund të na ndihmojë për të zhvilluar molekula të reja, ose për të përcaktuar pse disa antidepresivë shkaktojnë një lodhje fizike te pacientët. Të kontrollosh “ndërprerësin e lodhjes” të bazuar në mekanizmin e serotoninës do të thotë pra, të kesh në dorë një armë më shumë për të zbuluar raste dopingu.

Por, ekspertët e Universitetit të Kopenhagës janë të sigurt që mund të studiojnë edhe një gjeneratë të re ilaçesh, të afta për të kontrolluar neuronet e lëvizjes, neuronet motorë, te personat me probleme që t’i kontrollojnë lëvizjet e tyre në shtëpi, për shembull paralizat cerebrale ose ndrydhjet.shqiperia/

Categories

Archives