Wednesday, 14/11/2018 | : : UTC+0
Mjeksia Islame
Mjeksia Islame

Trekëndëshi i Bermudës, sa vërtetë është i rrezikshëm?



Trekëndëshi i Bermudës, sa vërtetë është i rrezikshëm?

Legjenda thotë se rajoni nëntropikal i Trekëndëshit të Bermudës në Atlantikun e Veriut është vend i qindra fatkeqësive tragjike dhe të pashpjeguara.

Historitë që rrethojnë zhdukjen fatkeqe të avionëve dhe anijeve në zonën mes Majemit, Bermudës dhe Porto Rikos shpesh herë përqendrohen tek e mbinatyrshmja.

Ka rrëfime plot fantazi që flasin për shkëputje në hapësirë-kohë që përthithin udhëtarë dhe anijet e tyre, apo që zona është e mallkuar prej shpirtrave të skllevërve afrikanë. Disa teori madje thonë se alienët mund të jenë përgjegjës për ngjarjet e frikshme.

Megjithatë, e vërteta është shumë më pak paranormale.

Themelet e këtij miti i përkasin kohës së Kristofor Kolombit, i cili raportoi se kish parë një flakë të madhe (me gjasë një meteor) që ra në oqean, teksa ai lundronte përmes trekëndëshit gjatë udhëtimit të tij për në Botën e Re. Më vonë në shekullin 20, anija e mallrave Cyclops humbi në Trekëndëshin e Bermudës, bashkë me 300 njerëz që kishte në bord. Nuk u gjet asgjë as nga anija as nga ekuipazhi, dhe as nuk ishte lëshuar një sinjal alarmi, pavarësisht se anija i kishte të gjitha pajisjet.





Një prej ngjarjeve më misterioze që nga ajo kohë kish të bënte me anijen e vogël Witchcraft. Në dhjetor 1967, Witchcraft goditi diçka në dukje të lehtë 1.6 km larg bregut. Me qetësi, kapiteni me përvojë Dan Burack, tha se duhej të rimorkoheshin por se nuk kishte emergjencë dhe lëshoi një sinjal për të treguar vendndodhjen e tij. Ndihma erdhi për më pak se 20 minuta, por anija nuk gjendej askund, as kapiteni apo ekuipazhi. Burack ishte një detar shumë me përvojë dhe i matur dhe kishte vendosur një pajisje për ta bërë anijen e tij praktikisht të pafundosëshme, me qëllim që edhe nëse ndahej, një pjesë e saj do rrinte mbi ujë. Prapëseprapë, asnjë gjurmë nuk u gjet pavarësisht se u kërkua kudo.

ka me dhjetëra histori të tjera, të ngulitura në folklor, edhe më me fantazi të pasur. Por statistikisht nuk ka patur më aksidente në zonë. Kjo nuk do të thotë se Trekëndëshi i Bermudës është zona ujore më e sigurtë. Dihet se stuhitë, shkëmbinjtë nënujorë dhe Rryma e Gjirit mund të shkaktojnë vështirësi të mëdha në lundrim, por këto ngjarje misterioze janë më shumë prej trafikut shumë të shpeshtë, gabimeve njerëzore dhe motit të keq, plus edhe publicitetit të madh që u është bërë aksidenteve në këtë zonë. /Bota.al/