Wednesday, 22/3/2017 | : : UTC+0
Mjeksia Islame
Mjeksia Islame

Si ta largojmë aromën e hudhrës nga goja?


Si ta largojmë aromën e hudhrës nga goja?


hudhra
Përveç që një numër i madh i ushqimeve mediterane dhe i ushqimeve nga kuzhinat e tjera vështirë që paramendohen pa shijen e pazëvendësueshme të hudhrës, ajo është po ashtu një nga ushqimet më të shëndetshme, të cilën e karakterizojnë veçoritë antibakteriale, antivirusale dhe antioksidative. Por që për shkak të aromës së saj specifike, e cila vjen nga goja, të mos jeni të padëshirueshëm në shoqëri, provoni këto këshilla të dobishme.

*Majdanozi
Përtypni majdanozin menjëherë pas konsumimit të shujtës me hudhër sepse ai me ndihmën e klorofilit të fortë dhe freskues do të neutralizojë aromën e padëshiruar. Efekt të ngjashëm ka edhe përtypja e glikanxos, mentës, karafilit dhe kardamonit.

*Limonada ose copa e limonit
Me limonadë po ashtu mund të “shkatërroni” kundërmimin e hudhrës. Sigurisht, vetëm nëse bëhet fjalë për limonadën e bërë nga lëngu i vërtetë limonit. Ndërsa, pijet e gazuara nuk do të kenë efekt të tillë. Në restorant, mund të porosisni edhe ujë mineral me copë limoni, nga i cili do ta thithni lëngun.

*Çaji i gjelbër
Efekt të jashtëzakonshëm në neutralizimin e erës së hudhrës ka edhe çaji i gjelbër. Ai në mënyrë efikase shpërlan vajin e hudhrës, i cili ruhet në dhëmbë dhe gjuhë dhe është “fajtori” kryesor për kundërmimin e keq. Nëse nuk jeni adhurues i çajit të gjelbër, provoni që problemin ta zgjidhni me ndihmën e disa gllënjkave të çajit të mentës./PK/.

 

Një shkrim tjetër i dobishëm  Çfarë duhet të dini për tështimën?

Categories

Archives