Sunday, 22/10/2017 | : : UTC+0
Mjeksia Islame
Mjeksia Islame
Tirana
0C

Serbia fton të rinjtë shqiptarë për t’u rekrutuar në ushtrinë serbe

Serbia fton të rinjtë shqiptarë për t’u rekrutuar në ushtrinë serbe

ushtria serbeShoqata “Vatra” thotë se pushteti serb po vazhdon provokimet ndaj shqiptarëve të Luginës së Preshevës. Kryetari i kësaj shoqate, Sejdulla Kadriu është shqetësuar me lajmin se të rinjtë shqiptarë të komunave Bujanoc, Preshevë dhe Medvegjë kanë filluar të pranojnë ftesa nga Ministria e Mbrojtjes (MM) e Serbisë për tu evidentuar në ushtrinë serbe.

“Këto ftesa nga ana e Ministrisë së Mbrojtjes për të rinjtë shqiptarë është edhe një provokim i radhës i pushtetit të Serbisë, në vazhdën e shumë provokimeve që po i bën ajo për çdo ditë. Të kujtojmë vetëm burgosjen e 4 majit 2012 të qytetarëve të pafajshëm shqiptarë në mënyrë spektakulare, të kujtojmë ndërtimin e lapidarit të kriminelëve serbë në Konçul dhe largimin e lapidarit të dëshmorëve të UÇPMB-së në Preshevë. Të gjitha këto pushteti serb i ka bërë dhe po i bën për të mbetur kriminelët edhe më tutje në pushtet dhe, në anën tjetër, për të frikësuar shqiptarët e Preshevës, Medvegjës e Bujanocit që të largohen nga shtëpitë e veta”, deklaroi Kadriu, transmeton Ina.
Sipas tij, thirrja e të rinjve për t’u rekrutuar në ushtrinë serbe është provokimi më i rëndë, përkatësisht paraqet tentim-zbrazje të radhës së tri komunave nga të rinjtë shqiptarë, sepse Serbia e di se të rinjtë nuk do t’i përgjigjen këtyre thirrjeve dhe largimi i të rinjve nga Presheva, Medvegja e Bujanoci është një zbrazje totale e shqiptarëve të këtij rajoni.
Shoqata ‘Vatra” kërkon nga bashkësia ndërkombëtare që të ndalë presionet dhe provokimet e pushtetit serb ndaj shqiptarëve të Luginës. /Ind/kohaislame

Një shkrim tjetër i dobishëm  Lot dhe vaj në xhaminë e Bardhit të Madh, familja Gashi i falin gjakun familjes Tërmkolli (Foto)

Categories

Archives