Sunday, 19/11/2017 | : : UTC+0
Mjeksia Islame
Mjeksia Islame

Sëmundja e kapsllëkut – Sena ilaçi më i mirë për të

Sëmundja e kapsllëkut – Sena ilaçi më i mirë për të

Sëmundja e kapsllëkut

Imam Tirmidhiu në përmbledhjen e vet me hadithe, El Xhamiu, si dhe imam Ibn Maxhe në Sunen e tij, sjellin hadithin e Esma bintu Umejsit, që tregon se Pejgamberi alejhi selam e ka pyetur atë: “Si e trajton ti kapsllëkun?” Ajo u përgjigj: “Përdor bimën e qumështores (arab. shubrum).”[1] Ai ia ktheu: “Ajo është tepër e nxehtë dhe laksativ mjaft i fortë.” “Më pas – thotë ajo – unë fillova të përdor vetëm farat e fshikartës[2] (arab. senna). Ndërsa Pejgamberi alejhi selam tha: “Nëse do të kishte diçka që do të shëronte vdekjen, ajo do të ishte fshikarta.”[i]

Ibn Maxhe sjell në Sunen hadithin e Ibrahim ibn Abletes, që rrëfen se e ka dëgjuar Abdullah ibn Ummu Haramin, i cili është falur me Profetin në të dyja Kiblat, që të tregojë se e ka dëgjuar Profetin alejhi selam të thotë: “Përdorni fshikartën dhe sunuut-in,[3] sepse ato kurojnë çdo sëmundjeje, përveç saam-it.” E pyetën: “O Pejgamber! Çfarë është saam-i?” Ai tha: “Vdekja”.[ii]

Pejgamberi alejhi selam pyeti se si trajtohej kapsllëku, duke nënkuptuar se ç’kurë përdorej për të zbutur jashtëqitjen, në mënyrë që trupi ta nxjerrë atë lëndë të keqe me lehtësi.

Categories

Archives