Monday, 24/7/2017 | : : UTC+0
Mjeksia Islame
Mjeksia Islame

Plaçkit njerëzit dhe agjëron?!

Plaçkit njerëzit dhe agjëron?!
meka
Suhejl ibnu Amr dhe familja e tij ishin në një udhëtim. Gjatë rrugës, sulmohen nga disa banditë dhe kaçakë, të cilët u marrin të gjithë ushqimin që kishin me vete. Mandej, ata ulen diku aty pranë dhe fillojnë ta konsumojnë në sytë e tyre. Vetëm kapoja i bandës ishte ulur mënjanë dhe qëndronte pa ngrënë. I çuditur, Suhejl ibnu Amr iu afrua dhe e pyeti:”Nuk të shoh zotrote të shijosh ushqimin që na morët! Përse vallë?”
Kapoja iu përgjigj:”Sepse agjëroj!!!”
Suhejl e pyeti gjithë habi:”Plaçkit njerëzit dhe agjëron?! Kjo qenka për të vënë duart në kokë!” Kapoja ia ktheu:”Dëgjo o mik! I kam mbyllur shumë dyer me Zotin, kjo e agjërimit është dera e vetme që e kam lënë të hapur. Ku i dihet, ndoshta ndonjë ditë, do e përdor dhe ti hap edhe dyert e tjera.” Mandej u ngrit dhe urdhëroi bandën të niseshin.
Dy vite më vonë, e sheh këtë kapon pranë Qabes, ishte kapur pas mbulesës së saj dhe i rridhnin lotë. Suhejl iu afrua dhe e pyeti nëse ishte kapoja e bandës që i kishte plaçkitur dikur dhe ai ia pohoi. “Çfarë ngjau me ty o mik?! Të shoh krejt ndryshe tani!”
Kapoja iu përgjigj:”Kush e lë qoftë dhe një derë të hapur me Zotin, do e shkelë ndonjë ditë pragun e saj, për të hapur dhe dyert e tjera.”
Mos i mbyllni të gjitha dyert me Zotin o njerëz! Çfarëdo gjynahu të jesh duke bërë, lëre një portë mirësie të hapur me Zotin! Ku i dihet, kjo portë, sado e vogël të jetë, mund të bëhet shkak që të hapen të gjitha portat e tjera të mirësisë!

 

Një shkrim tjetër i dobishëm  Tri gjëra e bëjnë gruan mbretëreshë
Tags:

Categories

Archives